"Embimunaıgaz" AQ sońǵy jyldary ken alańdarynda gorızontaldy uńǵymalardy burǵylaý tehnologııasyn belsendi qoldanýdy qolǵa aldy. Atalǵan tehnologııa – baıyrǵy ken alańdarynda qalǵan qordy ıgerýge jol ashatyn ádis.
"Bul vertıkaldy uńǵymalardy almastyrýǵa múmkindik beredi. Sondaı-aq, qorshaǵan ortaǵa tastalar zııandy qaldyqtardyń kólemi azaıady. Mundaı ádis ıgerilýi qıyn ken oryndarynyń ónim berý merzimin uzartady. Gorızontaldy uńǵymalardy burǵylaý ádisiniń tıimdiligi dáleldendi. Onyń ónimdiligi vertıkaldy uńǵymalarǵa qaraǵanda 8-10 ese joǵary boldy. Sol sebepten, 2021 jyly tek gorızontaldy uńǵymalardy burǵylaý josparlanyp otyr", deıdi "Embimunaıgaz" AQ-nyń ken oryndaryn ıgerý jónindegi basqarýshy dırektor Qaırat Kózov.
"Embimunaıgaz" AQ-nyń ken alańdarynda eki jylda 14 gorızontaldy uńǵyma qazylǵan. Sonyń ishinde Gran ken ornyndaǵy eń uzyn gorızontaldy seksııasy da bar. Onyń uzyndyǵy 1 shaqyrymǵa jýyqtaıdy.
