Sonaý 90-jyldary aýdanǵa qarasty klýbtar, kitaphanalar toqyraýǵa ushyrap, qojyraı bastady. Tipti, aýyldyq klýbtardyń meńgerýshileri jumystan qysqartylýǵa tap kelgende, mádenıet oshaqtaryn buzyp alýǵa umtylýshylar qatary da bolmaı qalǵan joq.
Mine, osyndaı aýmaly-tókpeli qıyn kezeńde Jambyl aýylyndaǵy klýbty saqtap qalýǵa bilek sybana kirisken isker de batyl jandardyń biri – qarapaıym aýyldyń kınomehanıgi Ibraıym Jumabekov bolatyn.
Sonaý 90-jyldary aýdanǵa qarasty klýbtar, kitaphanalar toqyraýǵa ushyrap, qojyraı bastady. Tipti, aýyldyq klýbtardyń meńgerýshileri jumystan qysqartylýǵa tap kelgende, mádenıet oshaqtaryn buzyp alýǵa umtylýshylar qatary da bolmaı qalǵan joq.
Mine, osyndaı aýmaly-tókpeli qıyn kezeńde Jambyl aýylyndaǵy klýbty saqtap qalýǵa bilek sybana kirisken isker de batyl jandardyń biri – qarapaıym aýyldyń kınomehanıgi Ibraıym Jumabekov bolatyn.
Ibraıym aǵa negizinen Qaratóbe aýdanyndaǵy Hankól eldi mekeniniń týmasy. Jympıtynyń Bulan aýylyna 1955 jyly qonys aýdarǵan soń, 1964 jyly Oraldan arnaıy kınomehanık mamandyǵyn oqyp aldy. Aýdan ortalyǵyndaǵy kásiptik-tehnıkalyq ýchılısheden meńgergen mehanızator mamandyǵy da kádege asty.
Ibraıym Jumabekov 30 jyldaı Bulan aýyldyq okrýginde mehanızatorlyq salada jemisti eńbek etken jan. Al mádenıet salasyna áýelden-aq búıregi buryp turatyn Ibaqań óziniń ónerge birtaban jaqyndyǵyn 1993 jyldary aıqyn túrde dáleldedi. Iаǵnı ózi osy kezden bastap esigine qulyp salynǵan klýbqa jan bitirtip, Jambyl aýylyndaǵy turǵyndarǵa kıno qoıýdy eńbekaqy almaǵandyǵyna qaramastan, jeti jyl boıyna atqardy. Sonda aýyl turǵyndary úshin kıno qoıý baǵytynda tynymsyz júgirip júretin bala minezdi aqkóńil jan Ibraıym aǵa oblystyq «Kınoprokat» mekemesi arqyly óziniń qaltasynan jeke kólikti jaldaýǵa 1000 teńge, fılmder alýǵa 800 teńge qarjysyn jumsap, aýylyna oralady eken.
Aýyldyq okrýgtiń Jambyl aýylyndaǵy klýbynyń murtyn buzdyrmastan saqtap qalǵan kınomehanık I.Jumabekov jeti jyl boıyna eńbekaqysyz, óziniń kúnin ózi kórip kelse, tek aýdandaǵy basshylardyń qoldaýlary arqasynda 2000-jyldan bastap kınomehanıktik qyzmetine 24 myń teńge kóleminde jalaqy taǵaıyndaldy.
Ibraıym aǵa 45 jyl boıy úzilissiz eńbek etip, búginde zeınetkerlikke shyqty. Biraq shıraq qımyldy, isine uqypty qaraı biletin I.Jumabekov bolsa eńbekten áli qol úzgen emes. Búginde Ibaqań Jambyl negizgi orta mektebinde elektrshi mamandyǵy boıynsha eńbek etse, oblystyq «Kınoprokat» mekemesi arqyly jańa fılmder ákelip, aýyl halqyna qyzmet kórsetýden áli kúnge jańylmaı keledi. Tipti, sonyń aıqyn aıǵaǵyndaı, ol joǵarydaǵy atalmysh mekeme tarapynan 2000-2500 dana fılmdi aýylǵa ákelip, turǵyndarǵa kórsetken kezderi boldy. Týmasynan ónerge beıim bolyp jaratylǵan aqkóńil jan Ibraıym aǵa aýyldaǵy jıyn-toılarda asabalyq ónerimen kópke tanymal bolsa, úıinde ornatylǵan radıotoraby arqyly aýyldyń týǵan kún ıelerine, qýanyshty oqıǵalardyń keıipkerlerine arnap kóshedegi «aq shelekten» quttyqtaý lebizder arnap, sazdy áýender joldaıtyn jaqsy qasıeti de bar. Sondyqtan bolsa kerek kúnde erteńgilik radıodan eldegi jańalyqtardy habarlap, týǵan kún ıelerine quttyqtaý, lebizder joldap turýdy boıyna sińirgen Ibaqańdy aýyl halqy «ózimizdiń Levıtan» dep ataıtyndary bar. Aıtqandaıyn otbasynda Rahıma jeńgeımen tórt ul-qyz ósirip, jıender qyzyǵyna bólenip otyrǵan Ibraıym aǵa óziniń aılyq zeınetaqysynan mekteptegi ozat oqýshylardyń árqaısysyna 500 teńge mólsherinde syıaqy taǵaıyndap, márttigin de kórsetip otyrǵan azamat. Ol sondaı-aq, boıǵa sińgen qasıetine oraı qolda bardy qanaǵat tutyp, óziniń «jan serigine» aınalǵan kıno qoıý apparatyn saqadaı-saı ustap, úlkenderge de, balalarǵa da kıno kórsetýdi turaqty túrde júrgizýde. Tipti, ózi jaqyn aýyldarǵa at kóligi, shalǵaıdaǵy eldi mekenderge avtokólik jaldap júrse, jumysqa berilip ketken shaǵynda Qaratóbe aýdanynyń keıbir sharýashylyqtaryna da atbasyn buryp, kıno kórsetip keletini bar. О́z isiniń sheberi, kınomehanık I.Jumabekov «Mádenıetti qoldaý jyly» aıasynda halyqqa kórsetken minsiz qyzmetine oraı joǵary basshylyq tarapynan aqshalaı syılyq, gramota, alǵyshatqa ıe boldy. Tipti, Ibaqań 2002-2009 jyldar aralyǵynda kórermender tarapynan túsken 400 myń teńgeni tıisti mekeme tarapyna tapsyryp, óz isine adal jan ekendigin de tanytqany bar.
I.Jumabekov «Nur Otan» partııasynyń múshesi retinde qoǵamdyq jumystarǵa, aýyldaǵy mádenı-kópshilik sharalarǵa da belsene qatysady.
Ol sondaı-aq, jyl saıyn 16-18 myń teńgeniń (respýblıkalyq, oblystyq, aýdandyq) basylymdaryna jazylatyn kókiregi oıaý, kánigi oqyrman.
Kezinde I.Jumabekov Bulan aýyldyq okrýginen eki ret aýdandyq máslıhatqa depýtat bolyp saılanyp, aýyldaǵy mektep, aýyzsý máselesiniń ońtaıly sheshilýine ózindik úlesin qosty.
Aýyldaǵy mádenı, baılanys salasynyń qamqorshysy, zeınetker bolsa da saptan qalmaǵan Ibraıym aǵa osyndaı jan.
Músirbek AITAShEV.
Batys Qazaqstan oblysy,
Syrym aýdany.
