Testileý zańnamalyq aktilerdi, halyqty áleýmettik qorǵaý salasyndaǵy arnaýly áleýmettik qyzmetterdi kórsetý standarttaryn, áleýmettik qyzmetkerlerdiń etıkasyna qoıylatyn talaptardy bilý deńgeıin anyqtaýǵa baǵyttalǵan.
Testileýden ótýshilerge negizgi blokta zańnamany, etıkalyq talaptardy bilýge jáne praktıkalyq mindetterdi sheshýge arnalǵan suraqtar qoıylady.
Sondaı-aq, áleýmettik qyzmetkerdiń fýnksııalaryn júzege asyrý úshin qajetti sapalardyń bolýy men deńgeıin anyqtaý úshin psıhologııalyq test arqyly jeke sıpattamalardy ólsheý qarastyrylǵan.
Osyǵan baılanysty, mundaı testileý el aýqymynda alǵash ret ótkizilip otyrǵandyqtan, QR Eńbekmıni shekti ball jınaı almaǵan adamdarǵa qatysty sanksııalar qoldanbaıdy. Shekti ball ala almaǵandar úshin oqytý semınarlary men qaıta testileý uıymdastyrylady. Joǵary nátıjelermen erekshelenetinderdi keıinnen laýazymyn joǵarylatý, respýblıkalyq jáne oblystyq mańyzy bar jobalarǵa qatysý úshin sarapshylar retinde tartý úshin kadr rezervine qosý josparlanýda. Sondaı-aq olardyń kandıdatýralary QR Eńbekmıni janyndaǵy Áleýmettik jumys jónindegi saraptamalyq keńeske jáne ózge de jaýapty qoǵamdyq qyzmetterge engizý úshin usynylatyn bolady.
Sonymen qatar, testileý qorytyndysy boıynsha joǵary nátıjelerge qol jetkizgen adamdar úshin áleýmettik jumystyń ozyq tehnologııalary boıynsha arnaıy semınarlar uıymdastyrý josparlanýda.
Bul jobany QR Eńbek jáne halyqty áleýmettik qorǵaý mınıstrligi QR Tuńǵysh Prezıdenti – Elbasy Qorynyń jáne Unicef Kazakhstan qoldaýymen iske asyrýda.
