Praımerız qorytyndysy boıynsha aýdan, qalalardan eń joǵary daýys alǵan 15 jáne oblys ortalyǵy sanalatyn Túrkistan qalasynan 7 úmitker, sonymen birge Májilis depýtaty Qudaıbergen Erjan, jalpy 23 azamat sheshýshi debatqa qatysty. Olar óńirdiń ózekti máselelerin qozǵap, sheshý joldaryn usyndy. Konferensııaǵa qatysqan delegattar arnaıy kabınalarda «Praımerız» aqparattyq júıesi arqyly elektrondy formatta daýys berdi. Nátıjesinde Qaınar Abasov («Hlopko-prom-Sellıýloza» JShS-niń bas dırektory – 127 daýys), Qudaıbergen Erjan (Májilis depýtaty – 120 daýys), Syrym Ertaev («Qaıyp ata» JShS-niń dırektory – 118 daýys), Móldir Baqytjanova (Qurmanǵazy Qazaq ulttyq konservatorııasynyń opera ánshisi – 115 daýys), Gúljan Qurmanbekova (oblys ákiminiń keńesshisi – 110 daýys) Haırýlla Qojabaev («Kaztransformator» JShS-niń dırektory – 107 daýys) jáne Uljanat Jurymbetova (Maqtaaral aýdandyq «Atakent» aýrýhanasynyń bas dárigeri – 100 daýys) delegattardyń senimine ıe bolyp, úzdik atandy.
Oblys ákimi, Nur Otan partııasy oblystyq fılıalynyń tóraǵasy О́mirzaq Shókeev jeńimpazdarǵa sáttilik tiledi. Kóp daýys jınaǵan kandıdattar Májilistiń óńirlik kvotasyna sáıkes partııalyq tizimge engizý úshin sezge usynylady.
Túrkistan oblysy
