Krımınaldyq polısııa basqarmasynyń jáne Aqjar aýdany PB jedel ýákilderi buryn jasalǵan mal urlyǵynyń tórt epızodyn ashty. Urlyq aýdandyq JShS-diń birinde jasalǵan. Onyń ıesi 5 qoıynyń urlanǵanyn aıtyp, 30 qarasha kúni polısııaǵa júgingen. Polıseıler eki kúdiktini anyqtady. Olardyń bireýi osy JShS-te buryn baqtashy bolyp jumys istegen, mal qashasyna bildirmeı kirip-shyǵý joldaryn bilgen. Keıin urlyqtyń birneshe ret jasalǵany belgili boldy. Jalpy somasy 680 myń teńge bolatyn 17 qoı urlanǵan. Qazirgi ýaqytta kúdiktiler tergeý ızolıatorynda qamaýda, Qylmystyq kodekstiń «Mal urlyǵy» baby boıynsha sotqa deıingi tergeý júrgiziliýde.
«Kúdiktilerdiń aıtýyna qaraǵanda olar qoı etin taksımen Kókshetaýǵa aparyp tapsyryp otyrǵan, - dep túsindirdi SQO PD KPB bastyǵy, polısııa polkovnıgi Petr Klımov.
Operasııanyń alǵashqy kúni buryn jasalǵan tórt urlyqtyń beti ashyldy. 15 adam esepke qoıyldy, onyń úsheýi - «mal urlaýshy», jeteýi - «qasapshy», beseýi - «urlanǵan maldyń etin satyp alýshy» sanattary boıynsha jazalanady. Sonymen qatar 62 avtomashına, et ónimderin saýdalaıtyn 34 oryn tekserildi.
Soltústik Qazaqstan oblysy
