Sońǵy kezde óńirdegi jedel járdem stansasyna jańa kólikter lek-legimen berilip jatyr. Jaqynda ǵana 18 kólik berildi. Oblystyq densaýlyq saqtaý basqarmasy baspasóz qyzmetiniń málimetinshe, jedel járdem kólikteri naýqasqa alǵashqy medısınalyq kómek kórsetýge arnalǵan qajetti qural-jabdyqtarmen qamtamasyz etilgen. Medısınalyq jedel járdem kólikteri «QDB-Lızıng» esebinen alyndy.
– Jańa kólikterdiń segizi aýdandardaǵy emdeý mekemelerine jiberiledi. Al 10 avtokólik Atyraý qalasyndaǵy turǵyndardyń jedel shaqyrtýyna qyzmet kórsetedi. Qazir oblysta 93 jedel járdem kóligi bar. Bıyl 46 kólik alyndy. Jedel járdem stansasyn arnaıy kólikpen qamtý 100 paıyzǵa jetti. Mundaǵy jedel járdem kólikteriniń 70 paıyzy jańardy. Eskileriniń ózi eki-úsh jyl buryn kelgen, – deıdi oblystyq densaýlyq saqtaý basqarmanyń basshysy Ashan Baıdýálıev.
Onyń aıtýynsha, kelesi jyly respýblıkalyq bıýdjet qarajatynyń esebinen qosymsha 60 sanıtarlyq avtokólikpen qamtý josparlanyp otyr.
Atyraý oblysy
