Qabyldaý barysynda Batys Qazaqstan oblysynyń turǵyny Alekseı Svechnıkov Jaıyq ózeniniń tartylýy týraly suraq qoıǵan edi.
“О́kinishke qaraı, Batys Qazaqstan oblysynda ekologııalyq jáne sý resýrstary problemalary qazir óte ózekti. Onymen biz turaqty túrde aınalysyp kelemiz. Jaıyq ózeniniń problemasy boıynsha keshe Reseeıdiń Tabıǵı resýrstar mınıstri Aleksandr Kozlovpen sóılestim. Ekeýmiz osy máseleni talqylaý úshin kezdesýge kelistik”, - dep jaýap berdi Maǵzum Myrzaǵalıev.
Mınıstr óńir turǵynyna belsendi azamattyq pozısııasy úshin alǵys bildirip, memleket qorshaǵan ortany qorǵaý boıynsha máselelerdi jedel sheship otyrý úshin oblystaǵy ekologııa departamentimen tyǵyz baılanysta bolýǵa shaqyrdy.
Sonymen birge kezdesý kezinde Qaraǵandy qalasynyń turǵyny Vadım Asheýlev qatty turmystyq qaldyqtardy suryptaý boıynsha atqaryp jatqan aǵartý jumystary týraly baıandap, ekologııalyq mádenıetke úles qosýǵa daıyn ekenin jetkizdi.
Balyq sharýashylyǵyndaǵy, Orman sharýashylyǵy men janýarlar álemi komıtetiniń jumysyna qatysty problemalar boıynsha da birqatar saýaldar qoıyldy.
Barlyq usynys-shaǵymdar mınıstrdiń jeke baqylaýynda bolady.
