Germanııanyń Sosıal-demokratııalyq partııasy (GSDP) men kansler Angela Merkeldiń Hrıstıan-demokratııalyq odaǵy jáne Hrıstıan-sosıalıstik odaǵy (HDO/HSO) «úlken» úkimettik koalısııa dep atalatyn birlestik qurý týraly ýaǵdalastyqqa keldi.
«Úlken» koalısııa músheleri arasynda mınıstrlik laýazymdaryn bólý týraly sál keıinirek habarlanady. Bul týraly keshe ótken birlesken baspasóz máslıhatynda Angela Merkel men GSDP serkesi Zıgmar Gabrıel málimdedi. HDO/HSO blogy 22 qyrkúıekte ótken Býndestag saılaýynda 41,5 paıyz daýys alǵan bolatyn. Merkel blogyna daýystardyń basym bóligin alý múmkin bolmaǵandyqtan, Germanııa zańnamasy boıynsha úkimet qurý úshin basqa saıası qozǵalystarmen koalısııa jasaqtaý qajet bolǵan edi.
Sharaına
Germanııanyń Sosıal-demokratııalyq partııasy (GSDP) men kansler Angela Merkeldiń Hrıstıan-demokratııalyq odaǵy jáne Hrıstıan-sosıalıstik odaǵy (HDO/HSO) «úlken» úkimettik koalısııa dep atalatyn birlestik qurý týraly ýaǵdalastyqqa keldi.
«Úlken» koalısııa músheleri arasynda mınıstrlik laýazymdaryn bólý týraly sál keıinirek habarlanady. Bul týraly keshe ótken birlesken baspasóz máslıhatynda Angela Merkel men GSDP serkesi Zıgmar Gabrıel málimdedi. HDO/HSO blogy 22 qyrkúıekte ótken Býndestag saılaýynda 41,5 paıyz daýys alǵan bolatyn. Merkel blogyna daýystardyń basym bóligin alý múmkin bolmaǵandyqtan, Germanııa zańnamasy boıynsha úkimet qurý úshin basqa saıası qozǵalystarmen koalısııa jasaqtaý qajet bolǵan edi.
Eýroıntegrasııany jaqtaýshylar birikti
Kıevte Ýkraına bıliginiń Eýroodaqpen assosıasııa qurý týraly kelisim jasasýyn doǵaryp qoıǵanyna narazylyq tanytýshylar birikti. Muny parlamenttegi «Batkıvshına» oppozısııalyq fraksııasynyń jetekshisi Arsenıı Iаsenıýk málimdedi.
Birigý úderisinen keıin A.Iаsenıýk, O.Tıagnıbokov jáne V.Klıchko qysqasha sóz sóılegen. Eki lagerdi birigýge shaqyrǵan lepeste Ýkraınanyń burynǵy premer-mınıstri Iýlıa Tımoshenko da uran tastaǵan bolatyn. Eýroıntegrasııaǵa baǵytty jalǵastyrýdy talap etkender aksııasy Ýkraınanyń túrli qalalarynda 21 qarashada bastalǵany belgili. Al Reseıdiń ekonomıkalyq qysymyna shydamaǵan V.Iаnýkovıch bastaǵan Ýkraına basshylyǵy Eýropaǵa baǵytyn kilt ózgertip, Reseıge bet burýǵa yqylas tanytqan edi.
Ulttyq qaýipsizdik keńesin qurdy
Japonııa parlamenti keshe elde Ulttyq qaýipsizdik keńesin qurýdy qarastyratyn zań jobasyn maquldady. Osymen bir mezgilde, Japonııa premer-mınıstri qorǵanys saıasatynda burynǵyǵa qaraǵanda, keń ókilettikke ıe boldy.
Keńes premer-mınıstrden, úkimet apparatynyń jetekshisinen, sondaı-aq, qorǵanys jáne syrtqy ister mınıstrlerinen turatyn bolady. Olar orta merzimdi jáne uzaq merzimdik perspektıvadaǵy syrtqy jáne qorǵanys saıasatyn qalyptastyrady. Japonııa basshylyǵynyń osy bastamasyn parlament Qıyr Shyǵystaǵy qazirgi kúrdeli jaǵdaıǵa oraı qoldaǵan syńaıly. Sońǵy ahýal Qytaı bıliginiń aýmaqtyq talasqa sebep Shyǵys-Qytaı teńizin áýe shabýylynan qorǵanys alańy dep jarııalaýyna baılanysty qalyptasqany belgili.
Qysqa qaıyryp aıtqanda:
* Qytaı Kambodja áskerı-áýe kúshterine 12 kópmaqsatty Z-9 tikushaqtaryn satty. Bul tikushaqtar Eýropadaǵy «Eýrokopter» áýe kemeleriniń lısenzııalyq kóshirmesi bolyp tabylady.
*Úndistanda atom-elektr stansasyn salýǵa qarsylar ózderi jasaǵan bombaǵa jarylyp óldi. Oqıǵa Tamılnad shtatynda oryn aldy. Jarylystan 6 adam qaza tapsa, 3-ýi – balalar. Taǵy 2 adam jaraqat alǵan. Jarylystan birneshe úı qıraǵan.
*Qyrǵyzstannyń Jalalabad qalasynda mılısııa bóliminiń bastyǵy Qarjaady Jumabaev zaıybymen janjal kezinde oǵan qarý jumsap, keıin ózi atylyp ólgen. Moınynan jaralanǵan zaıyby aýrýhanaǵa túsken.
* Reseıdiń Kalınıngrad jáne Iаkýtııa sottarynda esirtki satýmen aınalysqany úshin isti bolǵan eki kúdikti bir mezgilde óz-ózderine pyshaq jumsap, jaraqat aldy. Ekeýi de aýyr halde aýrýhanaǵa jetkizilgen. Olar 2,5 jylǵa bas bostandyqtarynan aıyrylýlary múmkin eken.
Qozǵalysqa shekteýdi qoldaıdy
Ulybrıtanııa premer-mınıstri Devıd Kemeron Eýropa odaǵy ishinde qozǵalys erkindigi qaǵıdatyn qaıta qaraýdy usyndy. Sóıtip, ol mıgrasııaǵa shekteý engizbek. Kemeronnyń sózine qaraǵanda, EO-daǵy erkin qozǵalys aýqymdy kóshi-qonǵa alyp kelgen.
Kemeronnyń málimdemesine sáıkes, Eýropa ishindegi mıgrasııaǵa shekteýdi tek Ulybrıtanııadaǵylar ǵana emes, sondaı-aq, Avstrııa, Germanııa jáne Nıderlandy azamattary qos qoldap qoldaıdy. Sóıtip, London atalǵan eldermen birlesip, kóshi-qon saıasatynyń jańa qaǵıdatyn jasamaq. Premer-mınıstr, sonymen qatar, 2015 jylǵy saılaýda jeńiske jeter bolsa, onyń úkimeti men Konservatıvtik partııa EO-dan keletin mıgranttarmen el aýmaǵy ishinde bitispes kúreske túspek. Atap aıtqanda, ol jumyssyz mıgranttarǵa ótemaqyny qysqartýdy usynyp otyr.
Syrttaı kesilgen aýyr jaza
Qyrǵyzstannyń burynǵy prezıdenti Qurmanbek Bakıevtiń baýyry – Janybek (Janysh) syrttaı ómir baqı bas bostandyǵynan aıyrý jazasyna kesildi. Muny Qyrǵyzstan bas prokýratýrasynyń málimdemesine silteme jasaı otyryp, ITAR-TASS habarlady.
J.Bakıevke 2005 jyldyń naýryzynda Ulttyq banktiń Jalalabad oblystyq bólimshesinen 22 mıllıon som (shamamen jarty mıllıon dollar) qarajatty urlady degen aıyp taǵylǵan bolatyn. Sondaı-aq, ol 2010 jylǵy sáýirde zańsyz qarýly jasaq uıymdastyrdy dep te aıyptalǵan edi. Jalalabad oblysyndaǵy Sýzak aýdandyq sotynyń sheshimi boıynsha, J.Bakıev aıyptaýdyń barlyq bólikteri boıynsha kináli dep tanylyp, 18 jylǵa bas bostandyǵynan aıyrylǵan-tyn. Endi ol ómir baqı túrmede otyrýǵa aýystyryldy.
Ekstremıster torǵa tústi
27 qarashaǵa qaraǵan túni Máskeýde quqyq qorǵaý organdarynyń qyzmetkerleri «At Takfır ál-Hıdjra» ekstremıstik uıymynyń 14 múshesin qamaýǵa aldy. Muny Reseı ishki ister mınıstrliginiń baspasóz qyzmetine silteme jasaı otyryp, «Interfaks» agenttigi habarlady.
Ustalǵandarǵa qatysty qylmystyq is ázirshe qozǵalmaǵan. Polısııadaǵylar qazirde bul másele sheshilý ústinde ekenin aıtyp otyr. Al olarǵa qarý-jaraq pen jarylǵyshtardy zańsyz saqtady degen aıyp taǵylýy múmkin eken. Qamaýǵa alý operasııasyn polısııa Federaldy qaýipsizdik qyzmetimen birlesip, Máskeýdiń Shyǵys okrýginde júzege asyrǵan. Ustalǵandardan tapanshalar, granatalar, patrondar, sondaı-aq, úsh qoldan jasalǵan jarylǵyshtar tárkilenipti. Atalǵan halyqaralyq lańkestik uıym 70-shi jyldardyń basynda Mysyrda qurylǵan.
Internet materıaldary negizinde ázirlendi.
