Tólem kartochkasyn qoldaný 2,6 ese kóbeıdi

Ulttyq banktiń habarla­ýynsha, tótenshe jaǵdaıǵa baılanysty sáýir aıynda birqatar bıznes sýbekti jumystaryn ýaqytsha toqtatqandyqtan, qol­ma-qol aqshasyz operasııalar birshama azaıdy. Biraq mamyr aıynan bastap operasııalardyń kólemi ortasha eseppen aı saıyn 12 paıyzǵa ósip otyrdy.

Qolma-qol aqsha alý operasııalary kerisinshe únemi azaıyp otyrdy. Ulttyq banktiń bas­pa­sóz qyzmeti habarlaǵandaı, qol­ma-qol esep aıyrysý kólemi kartochkalarmen júrgizilgen operasııalardyń úshten bir bóliginen aspaıdy.

Qazirdiń ózinde ınternet-ban­kıng pen bankterdiń mobıl­di qosymshalarynda júr­gizilgen operasııalardyń, ıaǵnı onlaın operasııalardyń úlesi úzdik­siz ulǵaıyp keledi. Eger 2019 jyldyń 9 aıynda onlaın-operasııalar úlesi 67 paıyz bolsa, bıyl  81-dan asty.

–  Ortasha eseppen alǵanda 9 aı­da onlaın túrde tólem kartoch­ka­larymen 68 mlrd teńge­den asa qarjyǵa 4 mln tranzaksııa ótkizilgen. Jyl basynan-aq mobıldi bankıng aýdıtorııasy tym belsendi boldy. Qańtar aıyn­da ınternet-bankıngti bel­sendi qoldanatyndardyń sany 8 mln bolsa, qyrkúıek aıynda ol 12 mln-ǵa jetti, – deıdi Ulttyq banktiń baspasóz qyzmeti.

Jıi qoldanylatyn tólem kar­tochkalarynyń sany 25 ml­n. Bul kartochkanyń barlyǵynyń ıeleri qyrkúıek aıynda onlaın-tólem júrgizip qana qoımaı, qolma-qol aqshany sheshý úshin de qoldandy. Jalpy, jyl basynan beri 9 aıda qazaqstandyq bankter 12 mln tólem kartochkasyn shyǵar­dy. Qolma-qol esep aıyrysýdyń azaıǵanyna bankterdiń kartochka shyǵarý, ony ıelerine jetkizip berý syndy servısteriniń jaq­sarǵany, sonymen qatar mobıl­di qosymshalaryndaǵy kórseti­letin qyzmettiń keńeıgeni syndy faktorlar yqpal etti.