Partııa sezine oblystyq jáne qalalyq konferensııalardan saılanǵan delegattar jınady. Eldegi epıdemııalyq jaǵdaıǵa baılanysty keıbir óńirlerdiń delegattary sezdiń jumysyna onlaın rejimde qatysty.
Konferensııanyń kún tártibinde «Aýyl» Halyqtyq-demokratııalyq patrıottyq partııasynyń saılaýaldy baǵdarlamasy talqylandy. Partııanyń saılaýaldy baǵdarlamasy boıynsha jaryssózde delegattar sóz sóıledi.
Bolat Bagetov shetel azamattaryna jerdi satý men jalǵa berýge tyıym salý, aýyl ınfraqurylymyn damytý týraly, Iýrıı Komarov fermerlerge nesıe mólsherlerin tómendetý, azyq-túlik qaýipsizdigi, aýylsharýashylyq taýar óndirýshilerin qosymsha qun salyǵynan bosatý qajettiligi týraly baıandama jasady. О́z kezeginde Dáýren Qýat memlekettik tildiń rólin arttyrýǵa basa nazar aýdara otyryp, ulttyq qundylyqtardy jańǵyrtý, eldi mekenderdi qazaqsha qaıta ataý, sondaı-aq «Qazaq halqynyń qundylyqtaryn qorǵaý týraly» Zańǵa bastama jasaý týraly oılaryn ortaǵa saldy. Dáýletkereı Kápuly bolsa, qandastar máseleleri, sonyń ishinde qandastardy áleýmettendirý memlekettik baǵdarlamasyn qabyldaý qajettiligi, azamattyq alý rásimderin jeńildetý jáne t. b. týraly usynystaryn jetkizdi.
«Balalar kapıtalyn» engizý bóliginde jańa áleýmettik saıasatty engizý qajettiligi (mártebesine qaramastan barlyq balalarǵa 18 jasqa deıin áleýmettik tólemder tóleý) týraly delegat Meıramhan Japektiń baıandamasy kópshilik kóńilinen shyqty.
Sezd sheshimi boıynsha Parlament Májilisi depýtattyǵyna kandıdattardyń partııalyq tizimi jasaldy.
Partııanyń kezekten tys XVIII seziniń delegattary «Aýyl» halyqtyq-demokratııalyq patrıottyq partııasynan Parlament Májilisiniń depýtattyǵyna kandıdattardyń partııalyq tizimin bekitti.
