Qaýipti vırýspen kúres qarqyndy júrip jatyr

Qaýipti indetpen kúres qar­qyn­­dy júrgizilýde. Sonymen qa­tar óńirdegi medısınalyq mekemeler epıdemııalyq jaǵdaıdy turaqtandyrý maqsatynda naq­ty sharalar qabyldap jatyr. Oblystyq densaýlyq saqtaý bas­qarmasynyń basshysy Áset Qalıev­tiń aıtýynsha, indettiń tara­lýynyń «jasyl» deńgeıinde naýqastardy qabyldaýǵa 750 tósektik oryn ázirlenipti. Onyń ishinde reanımasııalyq 75 oryn bar.

«Bul oryndar jaqynda ǵana jóndeý jumystarynan ótken burynǵy Taraz qalalyq pe­rı­­­nataldyq ortalyǵy jáne T.Rysqulov aýdanyndaǵy týber­ký­­le­z dıspanserinen saılandy. Al «sary» deńgeı oryn al­­ǵanda tósektik oryn qory 1 360-qa deıin ulǵaıtylady dep josparlanýda. Mundaǵy rea­nı­­ma­sııalyq oryndar sany – 136. «Qyzyl» deńgeı oryn alǵan­da naýqastardy emdeý úshin ınfeksııalyq stasıonarlardaǵy tósektik oryn qory jalpy 2 530-ǵa deıin artady. Onyń ishinde reanımasııalyq oryndar sany 253-ti quraıdy. Buǵan qosa rezerv retinde 2 000 oryn  daıyndalýda», deıdi Á.Qalıev.

Sondaı-aq Jambyl obly­sy­nyń Qyrǵyz Respýb­lıka­symen shektesetini belgili. Endi atalǵan aýmaqtarda epıdemııalyq ahýaldy ýshyqtyrmaý úshin elimizdiń Bas memlekettik sanıtarlyq dárigeriniń «Qazaqstan Res­pýb­lıkasynyń memlekettik sheka­rasyn­daǵy ótkizý pýnktterinde ko­ro­navırýstyq ınfeksııa aýrýy­­nyń aldyn alý jónindegi sha­ra­­lardy odan ári kúsheıtý týraly» qaýlysyna saı shekaradan ótken dene temperatýrasy joǵary adamdardy koronavırýsqa qar­sy zerthanalyq qaraýdy júr­gi­zý jáne olardy oqshaýlaý maq­satynda 165 tósektik orynǵa ar­nalǵan karantındik stasıonar ashyldy. Bul da óz kezeginde qaýipti indetpen kúreste jemisin beretini sózsiz.

Qazirgi kezde óńirdegi epı­de­mııa­lyq jaǵdaı – den­saý­lyq saqtaý mekemeleriniń jiti baqylaýynda. Jergilikti turǵyndarǵa sapaly medısınalyq qyzmet kór­setý, indettiń taralýyn boldyr­maý maqsatynda alǵashqy medı­sı­nalyq sanıtarlyq kómek kór­setý uıymdarynyń janynan 214 utqyr ámbebap brıgadalary uıymdastyrylǵan. Sondaı-aq dárihanalarda koronavırýsty emdeý hattamasyna saı dári-dármek qoryn jasaqtaý, halyqt­y tumaýǵa qarsy vaksınalaý ju­mystary da josparǵa saı júr­gi­zilýde.

Degenmen oblys boıyn­sha sanıtarlyq-epı­de­mııa­lyq baqylaý departamenti bas­shy­sy­nyń mindetin atqarýshy Neıla Mýlıkova óńirdegi jaǵdaıǵa alańdaýshylyq bildirdi. О́tken aptanyń ózinde oblysta qaýipti indetti juqtyrýdyń 38 jaǵdaıy tirkelgen. Naýqastardyń basym bóligi Taraz qalasy men Shý aýdanynda anyqtalǵan. Sondaı-aq 339 turǵyn úı karantınge alynǵan.

«Biz qazir «jasyl» aımaqta tur­myz. Alaıda Taraz qalasynda sońǵy aptada koronavırýsty juqtyrýdyń 20 jaǵdaıy, Shý aýdanynda 8, al basqa aýdandarda da bir-eki jaǵdaıdan tirkelgen. Árıne, bizdiń mamandar kásibı túrde jumys isteıdi. Baılanysta bolǵan tulǵalardy oqshaýlap, oshaqtardy anyqtap jáne dezınfeksııalap otyrady», deıdi ol.

Bul rette Taraz qalasynyń ákimi Aıtqazy Qarabalaev pen Shý aýdanynyń ákimi Nurjan Kalenderov qurylǵan mobıldi toptardyń júıeli jumys istep, turǵyndardyń arasynda tú­sin­di­rý jumystarynyń júr­gizilip jatqanyn jetkizdi. Qazir­gi kezde óńirde koronavırýs inde­ti­men kúreske barlyq resýrs­ty jumyldyrý mańyzdy bolyp otyr. Sonymen qatar jumysqa áskerı dárigerlerdi de tartý jos­parda bar.

Jambyl oblysy