"Polıseıler quqyq belgileıtin qujattardy tekserý kezinde Shyǵys Qazaqstan oblysynyń turǵyny, 36 jastaǵy júrgizýshiniń 160 bas qoıdy zańsyz tasymaldaǵanyn anyqtady. Onyń tıisti qujattarsyz, atap aıtqanda, veterınarlyq ınspeksııa anyqtamalary men janýarlardyń tólqujattary bolmaǵan", dedi aýdandyq polısııa bóliminiń bastyǵy Nyǵmetolla Qabbasov.
Atalǵan fakti boıynsha ýchaskelik polısııa ınspektory materıal jınap, QR ÁQBK 406-babyna sáıkes sheshim qabyldaý úshin veterınarııalyq ınspeksııa komıtetine jiberdi, endi tártip buzýshyǵa 10 AEK mólsherinde aıyppul salynady.
Er adam Shyǵys Qazaqstan oblysynda qoılardy arzan baǵamen satyp alǵanyn jáne ony óz sharýashylyǵy úshin tasymaldaǵanyn túsindirdi.
Esterińizge sala keteıik, jedel aldyn alý is-sharasy kezinde polısııa qyzmetkerleri mal men et ónimderin tasymaldaıtyn avtokólikterdi tıisti qujattamanyń bolýyna jáne tasymaldanatyn maldyń tıesili me ekenin tekserý maqsatynda tekserýge erekshe nazar aýdarady. Mal jáne et ónimderi satylatyn bazarlar, saýda ortalyqtary tekserýden ótetin bolady.
