Alaıda jergilikti atqarýshy organdardyń qoldaýynsyz bul isti sońyna deıin jetkizý múmkin emes.
Jambyl oblysynyń ákimi Berdibek Saparbaev sehta bolyp, tehnologııalyq jelimen tanysty. Bas dırektor Patohberdı Talıpov seh iske qosýǵa daıyn, ınfraqurylymdy júrgizý máselelerin sheshý qajet ekenin aıtty. О́ńir basshysy oǵan jan-jaqty qoldaý kórsetiletinine sendirdi. Ol kásipkerlik jáne ındýstrıaldy-ınnovasııalyq damytý basqarmasyna tıisti tapsyrma júktedi.
- "Bıznestiń jol kartasy-2025" baǵdarlamasy sheńberinde oblysymyzǵa aýqymdy qarjy bólinýde. Másele jobalardyń azdyǵynda bolyp otyr. Bıznes-ıdeıalardy qoldaý úshin barlyq múmkindikter bar. Tek máselelerdi der kezinde kótere bilý kerek, - dedi oblys ákimi.
Joba quny 800 mıllıon teńgeni quraıdy. Qýattylyǵy táýligine 8 tonnaǵa shaqtalǵan. Munda balmuzdaqtyń 30 túrin shyǵarý josparlanýda. Seriktestiktiń basqarýshy dırektory Rahat Áshimovtiń aıtýynsha, kásiporynda júzden astam jańa jumys orny ashylady dep kútilýde.
- Jazda úzdiksiz ónim óndirýge múmkindik bar, - deıdi ol.
Olar sútti jaqyn mańdaǵy sharýalardan alýǵa nıetti. Aıta keteıik, qazir «Imperııa» JK shujyqtar men kondıterlik ónimderdi saqtaýmen jáne tasymaldaýmen aınalysady.
- Sondaı-aq, biz jergilikti dúkenderge Reseı men Qyrǵyzstannan balmuzdaq jetkizýdemiz. Kóp uzamaı biz jambyldyq balmuzdaqtardy sata bastaıtyn bolamyz, - deıdi Rahat Áshimov.
