Orynbor oblysynyń basshysymen ótkizilgen beınekonferensııa barysynda Ǵalı Esqalıev Jaıyq ózeniniń problemasyn sheshýdiń baǵdarlamasyn birlesip naqtylaý qajettiligin aıtty.
Gýbernator Denıs Pasler búginde Tabıǵı resýrstar mınıstrligi Reseı Federasııasynyń Prezıdentine baǵdarlamanyń daıyndyǵy jáne qarjylandyrý kózin anyqtaý týraly esep daıyndap jatqanyn atap ótti.
- Búginde óńirler arasynda ǵylymı yntymaqtastyq qarqyndy damyp keledi. Máselen, buryn Orynbor sıyr eti ınstıtýtynyń qyzmetkerleri BQO-ǵy qazaqtyń aqbas tuqymdy iri qara malyn ósirýmen batysqazaqstandyq ǵalymdarmen birlese aınalysqan. Osy yntymaqtastyqty qaıta jandandyrý qajet dep sanaımyn.
Sonymen qatar BQO ǵalymdary Reseı ǵylym akademııasy, Ýral bólimshesiniń dala ınstıtýtymen, Reseı Federasııasynyń bıologııalyq júıeler men aýylsharýashylyq tehnologııalar federaldy ǵylymı ortalyǵymen jumys isteýge de múddeli, - dedi oblys ákimi.
BQO et, transformator, polıetılen qubyrlaryn eksporttaıdy. Orynbor oblysynda azyq-túlik óndirisi jaqsy damyǵan. Ony bizdiń aımaqqa eksporttaýdyń bolashaǵy bar. BQO ákimi eki aımaq arasynda iskerlik yntymaqtastyq klýbyn qurýdy usyndy.
Oblys ákimdigi Orynbor kásipkerleriniń BQO-nyń ınvestısııalyq jobalaryna qatysa alatynyn aıta ketip, óńirde ınvestorlarǵa barlyq jaǵdaı jasalǵanyń atap ótti.
Kelissóz barysynda Bórli aýdanynyń turǵyndaryn mazalaıtyn suraq ta kóterildi. Bul Orynbor oblysynyń Tashla aýdanyndaǵy gaz ken ornyndaǵy gaz qaldyqtaryn shamadan tys aýa shyǵýy týraly boldy.
Ǵalı Esqalıev osy másele boıynsha baqylaýdy kúsheıtip, bizdiń óńirdiń mamandaryna gaz qaldyqtaryn aýaǵa shyǵý mólsherin ólsheıtin qurylǵylarmen jumys isteýge ruqsat berýdi usyndy. Orynbor oblysynyń gýbernatory oblys ákiminiń usynysyn qoldady.
Dál sol kúni Ǵalı Esqalıevtiń Saratov oblysynyń basshysymen onlaın-kezdesý ótkizdi. Kelissózdiń taqyryby «Fomın» ótkizý pýnkti arqyly avtomobılderdi ótkizý jumystaryna daıyndyq týraly boldy.
Valerıı Radaevtyń aıtýynsha, Aleksandrov Gaıdan «Fomın» beketine deıingi joldy jóndeý 2021 jyly bastalady. Jóndeý jumystary aıaqtalǵannan soń, «Fomın» ótkizý pýnktin avtokólikterge ashý josparlanyp otyrǵanyn jetkizdi.
BQO ákiminiń aıtýynsha, IQM etin atalǵan pýnkt arqyly ótkizý eki jaqqa da tıimdi jáne osy baǵyttyń úlken áleýet bar ekenin aıtty. Sondaı-aq, Ǵalı Esqalıev BQO tarapy bekettiń jumysy jandaný úshin qajetti ınfraqurylym salýǵa daıyn ekendigin aıtty.
Kezdesýde Ǵalı Esqalıev eki aımaqtyń kásipkerleri arasyndaǵy iskerlik yntymaqtastyq klýbynyń jaqsy jumys jasap turǵanyn atap ótti. BQO-da KVI órship turǵan kezde Saratov oblysynyń kásipkerleri jeke qorǵanys quraldaryn jetkizip qoldaý kórsetti. Sonymen qatar, Saratov memlekettik medısına ýnıversıtetiniń qyzmetkerleri men jergilikti dárigerler arasynda kásibı keńes almasý joǵary deńgeıde bolǵanyn atap ótti.
Gýbernatorlarmen bolǵan eki onlaın-kezdesý barysynda oblys ákimi epıdemıologııalyq ahýal jaqsarǵan jaǵdaıda, kelesi jyly ekologııalyq, sporttyq jáne mádenı is-sharalardy, ekijaqty saýda jármeńkelerin úzbeı ótkizip turýdy usyndy.
