M.Jumabaev aýdanynyń ortalyǵy Býlaevta da sondaı bir oqıǵa boldy. Túngi mezgilde úıinen jeńil kıimmen dalaǵa shyqqan 91 jastaǵy keıýana qaıtyp esigin taba almaı, jaǵalap kóshege shyǵyp ketken. Bir úıdiń esigin qaqqanda úı ıeleri polısııaǵa habarlaıdy.
Keıýanany sol túni kezekshilikte bolǵan ýchaskelik polısııa ınspektory, polısııa kapıtany Vıtalıı Ohrımenko men patrýldik polısııa ınspektory polısııa leıtenanty Dýlat Berikov tańǵy saǵat 4 shamasynda PB jetkizgen. Polısııa bóliminde jylynǵan zeınetker ne mekenjaıyn, ne týystarynyń tekterin aıta almaıdy. "Men adasyp kettim!" degendi ǵana qaıtalaı bergen. Ár túrli esimder men tekterdi ataıdy. Olardyń birinen aýdandyq polısııa bólinisiniń kezekshi bólimindegiler úıinde qarty bar bir mekenjaıdy anyqtaıdy.
Ájeıdi úıine ákelgen kezde uıyqtap jatqan týystary 91 jastaǵy analary men ájeleriniń juqa kıimmen dalaǵa shyǵyp, adasyp ketkenin bilmegen de. Buryn mundaı jaǵdaı bolmaǵan eken. Ájelerin polısııa ertip kelgenin kórgen týystarynyń qandaı sezimde bolǵandaryn aıtýdyń ózi artyq. Ony úıden ájeptáýir alys jerden tapqandaryn aıtqanda, týystary tipti abdyrap qalǵan.
Kelesi kúni joǵalyp ketken ájeıdiń qyzy polıseılerge alǵysqa toly hat joldaǵan.
