Aýdan ákiminiń orynbasary Álibı Ábıev Qazaly aýdanaralyq aýrýhanasy men temirjol aýrýhanasyna arnaıy baryp, medısınalyq mekemeniń daıyndyq jumystarymen tanysty.
Daıyndyq jumystaryn pysyqtaýǵa kelgen aýdan ákiminiń orynbasaryna Qazaly aýdanaralyq aýrýhanasynyń bas dárigeri Baqytkúl Álisheva men "Qazaly temirjol aýrýhanasy" JShS bas dárigeri Seıilhan Artyqbaev búgingi tańdaǵy aýdandaǵy epıdemııalyq ahýal jaıynda tolyq málimet berip, atqarylǵan jumystarmen tanystyrdy. Búgingi kúni jergilikti aýrýhanalarda kemi eki aıdyń dárilik zattary men medısınalyq qural-jabdyqtardyń qory jetkilikti.
Munan soń aýdan ákiminiń orynbasary kenttegi "Nur.Med.kz" medısına ortalyǵyna soǵyp, satylymda bar dárilik zattardyń mólsherin bildi.
Jeke kásipker Aınur Turymbetovanyń aıtýynsha dárihanada uzyn sonar kezek bolmasa da, saqtyq sharalary áli de qatań baqylaýda. Araqashyqtyqty saqtap, ishke úsh adamnan artyq kirigizilmeıdi. Sórelerde elimizden bólek, alys-jaqyn shet elderden jetkizilgen emdik preparattar jetkilikti.
