Eskertkishtiń ashylý rásimine Semeı ıadrolyq synaq polıgony aımaǵynda áskerı qyzmetin ótegen aqtóbelik ardagerler, qala turǵyndary, jergilikti bılik ókilderi qatysty. Aldaǵy ýaqytta bul jer synaq polıgony zardabyn tartqan aktóbelik ardagerlerdiń bas qosatyn, saltanatty sharalar ótkizetin, ómirden ozǵan joldastaryn eske alatyn orynǵa aınalmaqshy.
1949-1991 jyldar aralyǵynda Semeı ıadrolyq polıgonynda 11 myńnan astam aqtóbelik áskerı mindetterin atqarǵan. Oblystyq qorǵanys isteri jónindegi departamenttiń málimeti boıynsha, búginde óńirde Semeı ıadrolyq polıgonynda ıadrolyq synaqtarǵa qatysqan 1800-den astam adam tursa, olardyń 268-i múgedek jandar. Kópshiligi ómirden erte ótip ketti.
Qazirgi kezde ár jyldary Semeı polıgonynda qyzmet etken azamattardy áleýmettik qorǵaý jumystary birtindep jolǵa qoıylyp keledi. Olardy dári-dármekpen qamtý, emdik-saýyqtyrý jáne ońaltý ortalyqtaryna joldamalar berý jolǵa qoıyldy. Sondaı-aq olar kommýnaldyq tólemder úshin jeńildikterge qol jetkizip, múgedekterge arnalǵan tegin taksı qyzmetin paıdalana alady. Jyl saıyn 9 mamyr – Jeńis kúni qarsańynda Semeı ıadrolyq synaq polıgonynda qyzmet etkenderge materıaldyq qarjylaı kómek beriledi. Jergilikti atqarýshy bılik tarapynan polıgon ardagerlerin múmkindiginshe jumysqa ornalastyrý joldary da sheshilip keledi.
AQTО́BE
