«Bizdiń aldymyzda «2030 jylǵa qaraı týberkýlez indetin joıý boıynsha» naqty maqsattar, sondaı-aq 2018 jylǵy 26 qyrkúıekte BUU-nyń týberkýlezge qarsy kúres jónindegi Bas Assambleıasynyń joǵary deńgeıdegi otyrysynda maquldanǵan Saıası deklarasııa jáne DDSU-nyń «Týberkýlezdi toqtatý» strategııasy tur», - dedi A.Soı.
Álemdik qaýymdastyq týberkýlezge shaldyqqan árbir naýqasty nazardan, medısınalyq jáne áleýmettik kómekten tys qaldyrmaýy kerek. Ásirese pandemııa kezinde. Onyń ústine, DDSU baǵalaýy boıynsha 2020-2025 jyldar aralyǵynda 6,3 mıllıon adam týberkýlezge shaldyǵady jáne COVID-19 áseri saldarynan 1,4 mıllıon naýqas qaıtys bolýy múmkin.
«Álem elderi birigip kúreskende ǵana qoǵamdyq aýrýǵa aınalǵan týberkýlezdi joıa alamyz», - dedi A. Soı.
Jıyn aıasynda Afrıka Densaýlyq saqtaý mınıstrleriniń qatysýymen dóńgelek ústel ótti, onda A. Soı álemdik qoǵamdastyqty, ásirese koronavırýs ınfeksııasy pandemııasy kezinde MSAK-ty kúsheıtýge shaqyrdy. Mınıstr qazir Qazaqstannyń týberkýlezben aýyratyn naýqastarǵa stasıonarlyq deńgeıde kómek kórsetý modelinen MSAK jáne stasıonardy almastyratyn emdeý modeline kóshkenin habarlady.
«Biz týberkýlezge qarsy uıymdardy qarjylandyrýdyń jańa tetigin ázirledik. Tósek-oryn qoryn qysqartý esebinen únemdelgen qarajat qaıta bólinedi. Osylaısha, týberkýlezge shaldyqqan naýqastardy ambýlatorııalyq emdeý múmkindigi keńeıdi, emdeý men profılaktıkada jańa tehnologııalar qoldanylýda, MSAK deńgeıinde naýqastarǵa psıho-áleýmettik qoldaý kórsetiledi», - dedi A. Soı.
