"2020 jylǵy 18 qarashada Pavlodar qalasynda N.Nazarbaev dańǵyly boıyndaǵy 287 úıdiń janynda "Nissan Sentra" avtokóligi toqtatyldy. Kólik 28 jastaǵy pavlodarlyqtyń basqarýynda boldy. Derekter bazasyn tekserý kezinde júrgizýshiniń jalǵan memlekettik nómirleri bar avtokólikpen júrip-turatyny jáne avtokólik úshin ákimshilik aıyppuldar boıynsha 1 mln. 389 myń teńge somasynda bereshegi bar ekeni anyqtaldy. 2020 jyldyń 1 qazanynan bastap ol jol qozǵalysy erejelerin 64 ret buzǵany anyqtaldy, olardyń barlyǵy foto-beınetirkeý arqyly tirkeldi", dedi brıfıngte Ákimshilik polısııa basqarmasynyń bastyǵy Dýlat Tókenov.
Polısııa júrgizýshige qatysty QR ÁQBtK-niń 590-babynyń 4-bóligi boıynsha ákimshilik is qozǵady. Endi oǵan 20 AEK kóleminde aıyppul nemese avtokólik júrgizý quqyǵynan aıyrý qaýpi tónip tur.
Tártip saqshylary "Nissan Sentra" avtokóligi arnaıy aıyppul turaǵyna qoıylǵanyn atap ótti, avtokólik materıal sotta qaralǵannan keıin jáne barlyq aıyppuldardy tólegennen keıin beriledi.
Aıta ketý kerek, aǵymdaǵy jyldyń basynan beri túrli buzýshylyqtar úshin 2 916 avtokólik aıyppul turaǵyna qamaldy.
