"MIB-ti tirkeý kezinde páter ıeleri jıi kezdesetin problemalyq máselelerdi qarastyraıyq:
1. ujattardy daıyndaý kezinde jınalys hattamasynyń jáne saýalnama paraqtarynyń úlgilik nysandaryn qoldanyńyz.
Jınalys hattamasy, saýalnama paraqtary erkin nysanda jasalǵan nemese olarda qatelikter jiberilgen jaǵdaıda tirkeýshi organ qujattardy jónge keltirýge qaıtara alady.
Jınalys hattamasy, saýalnama paraqtaryn QR IIQM-niń 2020 jylǵy 30 naýryzdaǵy №163 buıryǵymen bekitilgen Erejege sáıkes úlgilik nysandar boıynsha daıyndalýy kerek. Daýys berý paraqtary nómirlenip, hattamamen birge tigilýi kerek.
2. MIB Jarǵysyn tirkeý organyna usynýǵa eki tilde daıyndańyz: memlekettik tilde (2 dana) jáne orys tilinde (2 dana).
Jarǵyny ázirleý kezinde páter ıeleriniń ómirin jeńildetý úshin jasalǵan múlik ıeleriniń birlestiginiń Úlgilik Jarǵysyn negizge alý da ońaı.
Eger páter ıeleri ózderiniń MIB jarǵysyn derbes ázirleý týraly sheshim qabyldasa, onda Qazaqstan Respýblıkasynyń "Turǵyn úı qatynastary týraly" Zańynyń negizgi normalaryn engizý qajet.
3. Eger Sizge MIB ataýyn tańdaý qıynǵa tússe - turǵyn úı kesheniniń ataýyn nemese kópqabatty úıdiń meken-jaıyn alyńyz.
Zańdy tulǵanyń ataýy, Qazaqstan Respýblıkasynyń Azamattyq kodeksine sáıkes, basqa, osydan buryn tirkelgen zańdy tulǵalardyń atyn tolyq nemese edáýir qaıtalamaýy kerek. Sondyqtan ataýdy tańdaý jıi qıynǵa soǵady.
4. Zańdy tulǵanyń ornalasqan jeri retinde siz MIB keńsesiniń naqty meken-jaıyn nemese MIB tóraǵasynyń úıiniń meken-jaıyn kórsete alasyz.
Tájirıbe kórsetkendeı, kóp jaǵdaıda MIB tóraǵasynyń naqty meken-jaıy zańdy tulǵanyń ornalasqan jeri retinde kórsetiledi.
5. MIB tóraǵasynyń kandıdatýrasyn ony túpkilikti maquldaǵanǵa deıin teksergen durys.
MIB tóraǵasy tolyq qabiletti, bandıtızm, aldyn ala bankrottyq qylmystary úshin ótelmegen jáne alynbaǵan sottylyǵy, sondaı-aq atqarýshylyq qujattar boıynsha qaryzdary bolmaýy kerek.
Zańnyń talaptaryna sáıkes tirkeýshi organ zańdy tulǵanyń basshysy týraly aqparatty tekseredi jáne sáıkes kelmegen jaǵdaıda qujattardy mindetti túrde qaıtaryp beredi", delingen mınıstrliktiń resmı saıtynda.
