«18 qarashada saǵat 16:51-de «102» pýltine «Juldyz-2» shaǵyn aýdanynyń turǵynynan ıttiń kishkentaı balany talaǵany týraly habar tústi. Oqıǵa ornyna jedel jetken polısııa qyzmetkerleri eki jasar balanyń basy men qolynan jaraqat alǵanyn anyqtady. Kishkentaı búldirshin oblystyq balalar aýrýhanasyna jetkizdi.
Izdeý sharalary kezinde balany tistegen ıtti sol shaǵyn aýdandaǵy óndiristik bazalardyń biriniń aýmaǵynan ustady. Ittiń ıesi Atyraý qalasynyń 35 jastaǵy turǵyny bolyp shyqty» dep habarlady departamenttiń baspasóz qyzmeti.
Qabaǵan ıttiń ıesine qatysty QR Ákimshilik quqyqbuzýshylyq týraly Kodekstiń 408-babynyń 2-bóligi (Aýyl sharýashylyǵy janýarlaryn jaıý erejelerin, ıtter men mysyqtardy asyraý jáne serýendetý erejelerin, qańǵybas ıtter men mysyqtardy aýlaý jáne joıý erejelerin buzý) ákimshilik hattama toltyryldy.
