BAIQAÝǴA DEIINGI 72 SAǴAT

Jyl saıyn kóktemniń jaıdary osyndaı ýaqytynda elordaǵa respýblıkamyzdyń ár óńirinen kóńilderinde qobaljýmen qosa qýanysh sezimi oryn alǵan, shattyqpen birge jastyqty ushtastyrǵan, senimmen birge dos­tyqty jalǵas­tyrǵan “Jas qanat” baıqaýyna qatysýshylar bas qosady. О́nerdiń qara qazanynda bir-birimen taıtalasa, ózara básekelesip, keıde baptan góri baqtyń ozyp shabatynyna kúmánmen emes, óz-ózin jetil­dirýge berilgen zor múmkindik retinde qaraıtyn jas talanttar bıyl taǵy da, Astanaǵa keldi. Seısenbi kúni jas ánshiler elimizdiń maq­tanyshyna aınalǵan, qanat jaıyp ósip-órken­dep kele jatqan bas qalany aralap, onyń záý­lim de kóztartar qurylystaryna ishteı tánti bolyp qaıtty. Qala turǵyndary men qonaqtarynyń kózaıymyna aınalǵan kórikti jerler men aıshyqty nysandarda da boldy. Máselen, ekskýrsııanyń alǵashqy qadamy Pre­zı­denttik Mádenıet ortalyǵynan bastaldy. Elimizdiń tarıhynan bereri kóp, tárbıelik máni zor bul ortalyqtan jastar mol rýhanı izgi­likterdi sanalaryna sińirip shyqty dep aıtýǵa tolyq bolady. “Tarıhty oqýlyqtardan nemese kitaptardan oqý bir basqa da, kózben kórip, shejirelerden uǵynýdyń jóni taǵy bir basqa eken”­deıdi jas ánshilerdiń ishindegi Almaty oblysynyń Qaskeleń kentinen kelgen Lıza Kenjebaeva. Osydan keıin “Jas qanat” úmitkerleri “Báı­terekke” qaraı bet aldy. Munaranyń shyrqaý basyna shyqqan olar shynymen de elordanyń kórkine, qarqyndy damý jyldam­dyǵyna tánti bolyp, ishteı el basqaryp otyr­ǵan aǵalarymyzǵa rızashylyqtaryn bildirip jatty. О́ıtkeni, táýelsiz Qazaq memleketi ómiriniń turaqtylyǵy men áleýmettik ahýaly­nyń qanshalyqty alǵa ketkendigin bul jas órender “Báıterekke” shyqqanda ǵana tolyq sezinetindikterin olar anyq bilgendeı boldy. Budan soń jas talanttar beıbitshilik pen yntymaqtyń tulǵalyq nysanyna aınalǵan Pıramıda ǵımaraty men Táýelsizdik saraıyna at basyn burdy. Munda olar Astana týraly 4D formatynda túsirilgen qysqa metrajdy fılm­di tamashalady. Osy qatysqan is-sharalar barysynda biz jasqanattyqtardyń aralaryndaǵy dostyq ráýishtegi jyly qarym-qatynasty anyq baı­qadyq. О́ner báıgesine qatysatyndyqtan ara­larynda belgili deńgeıde básekelestikten týa­tyn eptegen qyzǵanysh bar shyǵar-aý dep oıla­s­aq, ázirge ondaıdy kóre qoıǵanymyz joq. Bul oıymyzdy “Jas qanat” kúndeliginiń júrgizý­shisi Zúlfııa Temirǵalıeva da rastap otyr. “Men jastardy baqylap ári olarmen birge jumys istep júrmin. Olardyń barlyǵy da óte tatý ári baýyrmal. Baıqaýdyń sheshýshi sátinde de osylaı bolsa dep tileımin. Osy kúnderi bir nársege kózim anyq jetti. Olardyń árqaı­sysy ózinshe talant jáne ózin­dik bolmysymen erekshelene alady”­, dedi ol. Sársenbi qatysýshylar úshin asa jaýapty ári qyzyqty kún boldy. Bulaı deıtin sebebimiz, osy kúni úmitkerler jerebe tartý arqyly ózderiniń qanshasynshy bolyp sahnaǵa shyǵatyndyqtaryn anyqtaı­tyn sát edi. Shyny kerek, qaı ánshiniń de birinshi bolyp shyqqylary kelmeıtini belgili. О́ıtkeni birinshi ánshige qashanda júktiń aýyrlyǵy, básekelestiktiń mysy basatyny anyq. Sársenbiniń sátti kúninde jasqanat­tyqtar “Neft” atty túngi klýbta jerebe tartý sharasyna qatysty. О́zderin qandaı rettik sany kútip otyrǵanyn bilmeıtin úmitkerler boılaryndaǵy qobaljý sezimin jasyra almady. Ústel ústinde qoıylǵan túıe sývenıriniń astyna jasyrylǵan qaǵazdardy alý barysynda qoldary dirildemegenderi neken-saıaq. Degen­men de, buıyrǵan ketpeıdi, qýǵan jetpeıdi daǵdysyna etteri úırenip qalǵan ánshiler birden bardy da jerebe tartyp, ózderiniń sahnaǵa shyǵatyn rettik nómirin anyqtady. Sonymen birinshi bolyp Almaty qalasynan kelgen 23 jastaǵy Qanatbek Pýlatbekov sahna­ǵa shyǵatyn bolsa, al eń sońǵysy astanalyq 23 jastaǵy Dıana Maeva dep belgilendi. Jerebe tartý sharasyna qatysqan Astana qalasy mádenıet departamentiniń bastyǵy Erkebulan Ágimbaev: “Osymen on toǵyzynshy ret “Jas qanat” baıqaýy jas ánshilerge múmkindik berip otyr. Ánshilerdiń deni kezin­de osy basqyshtan bastap, ózderiniń shyǵarma­shylyq, ánshilik qabiletterin osy baıqaýda synaǵan bolatyn. Sonymen qatar, bul konkýrs jańa ánderdiń, jańa esimderdiń tany­lýyna zor yqpal jasaıdy. Ánshilermen qosa kompo­zıtorlar da synnan ótedi. Son­dyqtan bul múmkindikti qoldaryńnan jiberip almaý­lary­ńyz kerek”­, – dep ánshilerge sáttilik tiledi.­ Sonymen baıqaýdyń bastalýyna bir kún qaldy degende jas ánshiler óner ordasyna aınalǵan Qazaq ulttyq mýzyka akademııasynyń ujymymen kezdesti. “Bul joba ýaqyt ótken saıyn óziniń tanymaldylyǵyn arttyryp keledi. Jas ánshilerdiń bolashaǵyna, shyǵar­mashylyq jetilýine úlken serpin beretinine senimdimin. Talanttar árqashanda kózge kóriný­ge tıis. Olarǵa udaıy qoldaý kórsetip, demep otyrýymyz kerek. Erteń ótkeli jatqan kon­kýrs­tyń mán-maǵynasy sizder úshin asa mańyz­dy. Estradaǵa jeteleıtin baǵdarsham­daryńyz ispettes. Sondyqtan da, sizderdiń álem tanı­tyn, halqymyzdyń ataq-abyroıyn asqaqtata­tyn tanymal ánshi bolýlaryńyzǵa tilektespiz. Sizderge Roza Rymbaeva, Naǵıma Esqalıeva jáne taǵy basqa myqty-myqty ánshilerdiń jolyn bersin”, dedi Qazaq ulttyq mýzyka akademııasynyń rektory Aıman Musaqojaeva. “Jas qanat” jas ánshiler úshin berilgen zor múmkindik ekeni ras. Úlken sahnaǵa, elimizdiń qyzý shoý-bıznesine, tanymaldylyqqa apara­tyn jol bolyp eseptelinetin bul baıqaýdan búgingi qazaq estradasynda baǵy ashylǵan, jul­dyzy janǵan talaı belgili ánshiler shyq­qany málim. Máselen, 1992 jylǵy “Jas qanat” baıqaýynyń birinshi saıysyna qatysqan Medeý Arynbaev, sonymen qatar Baqyt Shadaeva, Nurlan Abdýllın, Baýyrjan Isaev, Altynaı Jorabaeva, Mádına Sadýaqasova sııaqty ánshi­ler de kezinde osy baıqaýdyń jeńimpazdary atanyp, búginde qazaq ánshileriniń ishindegi ózindik bolmysy men orny bar óner ıeleri bolyp júr. Kóp uzamaı, osy jolǵy HIH res­pýblıkalyq baıqaýyna qatysqan jas talant­tardyń da attary, abyroılary asqaqtaıtyn bolady. Atar tańdar áli alda. Araı ÚIRENIShBEKQYZY.