Mınsk qalasyndaǵy M.Áýezov atyndaǵy № 143 orta mektebinde ál-Farabı atyndaǵy qazaq tilin, tarıhy men ádebıetin oqytý kabıneti ashyldy.
Ashylý saltanatyna Qazaqstan Respýblıkasynyń Belarýs Respýblıkasyndaǵy Tótenshe jáne О́kiletti Elshisi Asqar Beısenbaev, Zavod aýdany ákimshiliginiń basshysy Sergeı Maslıak, beınekonferensııa formatynda – «Otandastar» qorynyń Vıse-prezıdenti Maǵaýııa Sarbasov, "Dúnıejúzi qazaqtarynyń qaýymdastyǵy" RQB jáne «Otandastar» qory Prezıdentiniń keńesshisi Bolat Dıdar qatysty.
Mektep qonaqtaryn 10 synyp oqýshylary Nıkıta Shalaı men Vıoletta Drozd qarsy aldy, olar qazaq oıshyly, aǵartýshysy jáne aqyny Abaı Qunanbaev pen belorýs aqyny Maksım Tankanyń óleńderine jazylǵan mýzykalyq-poetıkalyq kompozısııa oryndady.
Elshi A. Beısenbaev is-sharaǵa qatysqany jáne qazaq ádebıetiniń klassıgi M. Áýezov atyndaǵy №143 orta mektepke erekshe nazary úshin Mınsk qalasy Zavod aýdany ákimshiliginiń basshysy S. Maslıakqa alǵys bildirdi. Mektep M.Áýezov kóshesi, № 5 ǵımaratta ornalasqanyn atap ketý qajet. Belarýs astanasynan úsh jarym myń shaqyrym jerde óziniń óshpes týyndylaryn jaryqqa shyǵarǵan qazaq jazýshysyn máńgi este saqtaýdaǵy Mınsk qalasy men Zavod aýdany ákimshilikteriniń keshendi tásili qazaqstandyqtardyń tereń rızashylyǵyn, eki baýyrlas halyqtyń birligi sezimin týdyrady.
Elshi Qazaqstannyń Belarýstegi Elshiligi «Otandastar» qorymen birlesip qazaq tilin, ádebıeti men tarıhyn oqytý kabınetin ashý boıynsha iske asyrylǵan jańa joba týraly aıtyp berdi. Onyń jaıy qaıta jóndeýden ótti, dızaındy qosa alǵanda onda barlyǵy Qazaqstan men Belarýstiń ózara dostyǵy men yntymaqtastyǵy ıdeıasyna baǵynady. Qazaq tilin, Qazaqstan tarıhy men ádebıetin oqyp-úırený asa qyzyqty jáne tıimdi bolýy úshin qazaqstandyq tarap mektepke keń formatty teledıdar, ınteraktıvti oqýlyqtar, sózdikter, tanymdyq ádebıetter syılady.
Elshi 870 jyly qazirgi Qazaqstan aýmaǵynyń ońtústiginde Syrdarııa ózeniniń basseıninde ornalasqan Otyrar qalasynyń mańyndaǵy Farab qalasynda dúnıege kelgen jáne jańa oqytý kabınetine esimi berilgen Ábý Nasyr ál-Farabıdiń jeke basyna erekshe nazar aýdardy. Orta ǵasyrlarda bul qala Shyǵys pen Batysty baılanystyratyn saýda joldarynyń qıylysynda ornalasqan ǵylymı jáne mádenı ortalyq boldy.
«Ál-Farabı fenomeni onyń ǵylymı qyzyǵýshylyqtarynyń aıasy óte keń bolǵandyǵynda, ony ensıklopedııalyq ǵalym dep ataǵany kezdeısoq emes. Onyń ǵylymı murasynyń álemdik mańyzy bar, ol tek fılosofııany, dindi, logıkany, etıkany ǵana emes, sonymen qatar matematıka, hımııa, bıologııa, astronomııa, medısına, ıýrısprýdensııany damytýǵa eleýli úles qosty. Ál-Farabı ejelgi ǵalymdardyń – Arıstoteldiń, Platonnyń, Evklıdtiń, basqa da ejelgi grek oıshyldarynyń eńbekterin qazirgi tilderge aýdarǵan», - dep atap ótti A. Beısenbaev.
«Osy synypta alǵan bilim sizderge ári qaraı oqýda, ómir jolynda paıdaly bolatynyna, tabysty adam bolýǵa kómektesetinine senimdimin», - dedi A. Beısenbaev.
Zavod aýdany ákimshiliginiń basshysy S. Maslıak ekijaqty baılanystardy nyǵaıtý úshin Qazaqstan men Belarýs arasyndaǵy mádenı-gýmanıtarlyq yntymaqtastyqtyń, bilim almasýdyń mańyzdylyǵyn atap ótti. Aýdan ákimshiliginiń basshysy №143 orta mekteptiń tereń jáne kópjosparly dástúrleri bar ekenin, olardyń ishinde qazaqstandyq vektor – eń baı, qyzyqty jáne qarqyndy damyp kele jatqan baǵyttardyń biri ekenine erekshe toqtaldy. Ol qazaq tilin, ádebıeti men tarıhyn oqytý jónindegi mańyzdy ári qyzyqty jobany iske asyrǵany úshin Qazaqstannyń Belarýstegi Elshiligine alǵysyn bildirdi.
Mektep dırektory Dmıtrıı Bocharov Mınsk qalasyndaǵy №143 orta mekteptiń Qazaqstanmen dostyq qarym-qatynasy 1998 jyly bastaý alǵanyn, al 11 jyldan keıin mektepke M.Áýezovtiń esimi berilgenin atap ótti. Osylaısha, eki el arasyndaǵy dostyq kópiri salyndy, sonyń arqasynda mekteptiń kóptegen oqýshylary Qazaqstanda boldy, al qazaqstandyq delegasııalar óz saparlarynda mektepke kirmeı qaıtpaıdy. Atap aıtqanda, 2011 jyly Qazaqstan Premer-Mınıstri Kárim Másimov balalarǵa qonaqqa keldi.
Qazaqstandyq «Otandastar» qorynyń basshylyǵy – Vıse-prezıdent M. Sarbasov qazaq tilin onlaın oqytý jobasyna bastaý berdi. Alǵashqy sabaqty qazaq tili oqytýshysy, «QazWrite» jobasynyń avtory Aına Alpysbaı ótkizdi. «QazWrite» jobasyn iske asyrýdyń nátıjesinde qazaq dıasporasynyń ókilderi, bıznesmender, álemniń túrli elderindegi qarapaıym adamdar qazaq tilin qashyqtyqtan oqýǵa múmkindik aldy.
Sondaı-aq, qonaqtar mektep oqýshylary 50-den astam sýret pen qolóner buıymdaryn, al kishi synyp oqýshylary mýltımedııalyq prezentasııalardy usynǵan «Biz ár túrlimiz, biraq birgemiz» atty kórkemóner kórmesine qatysty. Dástúr boıynsha kórme jyl sońynda Qazaqstan Respýblıkasynyń Táýelsizdik kúnine oraı uıymdastyrylǵan «Men Qazaqstan týraly ne bilemin?» baıqaýy aıasynda ótkiziledi. Sonymen birge, «Qazaqstan-Belarýs» mánerlep oqý baıqaýy aıasynda oqýshylardyń daıyndaǵan poetıkalyq týyndylaryn, sonyń ishinde avtorlyq shyǵarmalardy tyńdaý, sondaı-aq joǵary synyp oqýshylary jazǵan ǵylymı referattardy qorǵaý ótti.
Budan basqa, tek balalar ǵana emes, olardyń ata-analary da qatysatyn «Qazaqstan-Belarýs – dostyq kópiri» atty baıqaý ótkizilgenin aıta ketý kerek. Merekelik kúndi Qazaqstan-Belarýs yntymaqtastyǵyna arnalǵan «Chto? Gde? Kogda?» baǵdarlamasy aıaqtady.
