57 kılo salmaq dárejesindegi barlyq balýandardyń deńgeıleri birdeı boldy. Jarys qarsańynda dýaly aýyz mamandardyń ózderi eshkimdi bóle-jara ataı almady. Desek te jekpe-jekte bir ǵana jeńimpaz bolýǵa tıis. Bul joly aqmolalyq Dáýlet Temırjanov dara shyqty. Fınalda qandasymyz qaraǵandylyq Javohır Irıstaevty jeńdi. Shymkenttik Ǵabıt Tólepbaı men jambyldyq Rahat Qaljan qola medaldardy ıelendi.
86 kılo salmaqta shyǵysqazaqstandyq Azamat Dáýletbekov pen almatylyq Ádilet Daýlynbaevtyń ózara tartysyn taǵatsyzdana kúttik. Ekeýi de talaı dúbirli dodalarda ábden ysylǵan ákki balýandar. Barlyq qarsylastaryn sypyra utqan Azamat aqtyq synǵa alqynbaı jetti. Al Ádilet jartylaı fınalda taldyqorǵandyq Esqalı Dáýletqazynyń osal tusyn taba almady. Fınalda Dáýletbekov pen Dáýletqazy kúresti. Bul básekede Azamattyń asyǵy alshysynan tústi. Ádilet pen mańǵystaýlyq Nurdáýlet Kókteýbaev úshinshi orynǵa taban tiredi.
