2013 jylǵy 27 tamyz, Astana qalasy
«Qazaqstan Respýblıkasynyń keden organdaryna konkýrstyq irikteýden tys qyzmetke ornalasý erejesin bekitý týraly» Qazaqstan Respýblıkasy Qarjy mınıstriniń 2011 jylǵy 30 mamyrdaǵy № 283 buıryǵyna ózgeris engizý týraly
«Quqyq qorǵaý qyzmeti týraly» Qazaqstan Respýblıkasynyń 2011 jylǵy 6 qańtardaǵy Zańynyń 7-baby 3-tarmaǵyna sáıkes, buıyramyn:
1. «Qazaqstan Respýblıkasynyń keden organdaryna konkýrstyq irikteýden tys qyzmetke ornalasý erejesin bekitý týraly» Qazaqstan Respýblıkasy Qarjy mınıstriniń 2011 jylǵy 30 mamyrdaǵy № 283 buıryǵyna (Normatıvtik quqyqtyq aktilerdi memlekettik tirkeý tiziliminde № 7054 tirkeldi, 2011 jylǵy 27 tamyzdaǵy № 272-2274 (26693-26695) «Kazahstanskaıa pravda» gazetinde jarııalandy) mynadaı ózgeris engizilsin:
kórsetilgen buıryqpen bekitilgen Qazaqstan Respýblıkasynyń keden organdaryna konkýrstyq irikteýden tys qyzmetke ornalasý erejesinde:
9-tarmaqtyń 3) tarmaqshasy mynadaı redaksııada jazylsyn:
«3) qyzmetke jaramdylyǵy týraly áskerı-dárigerlik komıssııalarynyń medısınalyq jáne psıhofızıologııalyq kýálandyrý, onyń ishinde polıgrafologııalyq zertteý qorytyndysy bar bolǵan kezde;».
2. Qazaqstan Respýblıkasy Qarjy mınıstrligi Kedendik baqylaý komıteti (M.T. Esenbaev) zańnamamen belgilengen tártippen Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin qamtamasyz etsin.
3. Osy buıryq onyń alǵash resmı jarııalanǵan kúninen bastap on kúntizbelik kún ótken soń qoldanysqa engiziledi.
Mınıstr B.JÁMIShEV.
Buıryq Qazaqstan Respýblıkasynyń Ádilet mınıstrliginde 2013 jylǵy 3 qazanda Normatıvtik quqyqtyq kelisimderdi memlekettik tirkeýdiń tizilimine №8774 bolyp engizildi.
