Sport • 22 Qarasha, 2020

Aýyr atletıka el chempıonaty ótip jatyr

165 ret
kórsetildi
1 mın
oqý úshin

Bul kúnderi aýyr atletıkadan erler men áıelder arasyndaǵy el chempıonaty onlaın-formatta ótýde. Aıtýly jarysta 350-den asa ziltemirshiler baq synaýda, dep habarlaıdy Egemen.kz.

Aýyr atletıka el chempıonaty ótip jatyr

Alǵashqy kúni básekeler 55 kılo salmaq dárejesinde ótti. Bul tartysta taldyqorǵandyq Abylaı Áýelhanov aldyna jan salmady. Kúni keshe ǵana Perýdyń aýyr atletıka federasııasy uıymdastyrǵan onlaın-formattaǵy jasóspirimderdiń álem kýbogynda aldyn medaldi moınynda jarqyratqan daryndy jas naǵyz babynda ekenin bul joly da dáleldedi.

Qossaıystyń qorytyndy boıynsha Abylaı 237 (101+133) kılolyq ziltemirdi eńserip, Qazaqstan chempıony atandy. Qandasymyz 2017 jyly Dúnıejúzilik Ýnıversıadada, 2018 jyly álem chempıonatynda jáne 2019 jyly Azııa birinshiliginde júlde alǵan shymkenttik Arlı Chonteıden toǵyz kılo artyq salmaqty eńserdi. Úshinshi orynda – óskemendik Ernaz Alpysov.