Qazaqstan Respýblıkasynyń Mədenıet jəne sport mınıstri Aqtoty Raıymqulova qazaqstandyqtardy "Qyz Jibek" jəne "Atamannyń aqyry" kórkem fılminiń túsirilgenine 50 jyl tolýymen quttyqtady.
"Qurmetti dostar!
Ardaqty kınosúıer qaýym!
Sizderdi "Qyz Jibek" jəne "Atamannyń aqyry" kórkem fılminiń túsirilgenine 50 jyl tolýymen shyn júrekten quttyqtaımyn!
Qos týyndy da - ulttyq kıno óneriniń injý-marjany, jas talǵamaıtyn ómirsheń dúnıe.
Biri shynaıy sezimniń nyshany "Qyz Jibek" jyrynyń jelisinde Jibek pen Tólegenniń mahabatyn ǵana baıandap qana qoımaı, basty keıipkerler taǵdyrymen zamana tynys-tirliginiń áleýmettik árin, tarıhı turpatyn, muń-muqtajyn sabaqtastyryp, el-jurtty birlikke shaqyryp, halqymyzdyń ádet-ǵurpy men salt-dástúrin kórsetken jarqyn fılm.
Ekinshisi, ótken ǵasyrda qazaq jerinde bolǵan shynaıy oqıǵa jelisimen túsirilip, shytyrman ssenarıı jelisimen kórermendi tańdaı qaqtyratyn qazaq kınematografııasyndaǵy alǵashqy detektıv.
Merýert apamyz fılmde Jibek arýdyń bar bolmysyn, ǵashyq bolǵan kezdegi syrly sezimin, seń soqqandaı sergeldeńge túsken səti men ózekti órtegen sherimen qosa ójettigin júregine uıalatyp, shynaıy somdady.
Al tuǵyrly tulǵa, metr Asanəli aǵamyz oqıǵa órisinde tyńshy Qasymhan Shadııarovtyń syn saǵattaǵy sabyrly zerek, qyraǵy beınesin ashyp kórsetti.
"Qyz-Jibek" pen "Atamannyń aqyry" shyǵarmashylyq ujymnyń qazaq tarıhyndaǵy shejire derekterdi, ǵylymı eńbekterdi, etnografııa, áleýmettik qarym qatynasqa baılanysty jazbalardy tereń zerttegen bilimdarlyǵyn tanytady. Eki fılmniń qundylyǵy da, altyn qordan oıyp turyp oryn alǵany da osynda jatsa kerek.
Osynaý oraıly sətti paıdalana otyryp, eki fılmniń barlyq akteri men ujymyna zor rızashylyǵymdy bildiremin", dep jazylǵan mınıstrdiń quttyqtaý hatynda.
