Nátıje kóńil kónshitpeıdi. Polıseıler adamdy zańsyz bas bostandyǵynan aıyrý, jas qyzdardy tánin saýdalaýǵa májbúrleý, jynystyq qyzmet kórsetetin astyrtyn oryndar uıymdastyrý, ol jerde adamdy kúshtep ustaý sııaqty kóptegen qylmys túrlerin áshkerelep otyr. Polıseıler mundaı oryndarda májbúrli túrde júrgen 3 adamdy alyp shyǵyp, olardy arnaýly áleýmettik qoldaý kórsetý ortalyǵyna ornalastyrdy.
Máselen, adamdy zańsyz bas bostandyǵynan aıyrýǵa qatysty oqıǵanyń biri B.Maılın aýdanynda tirkelip otyr. Osy aýdanǵa qarasty Qaırankól aýylynyń mańyndaǵy jeke sharýashylyqta 33 jastaǵy turǵyn 21 jastaǵy jigitke eki jyl boıy kúshtep mal baqtyryp qoıǵan. Polıseıler sharýashylyq ıesine qatysty QR QK 126-babynyń 3-bólim, 2-tarmaǵy boıynsha qylmystyq is qozǵap, tergeýge kiristi.
«STOP-trafık» sharasy barysynda Qostanaı qalasynyń Temirbaev kóshesindegi páterlerdiń birinde 28 jastaǵy qyzdyń apaly-sińlili eki boıjetkendi jezókshelikpen aınalysýǵa májbúrlep kelgeni anyqtalyp otyr. Atalǵan qylmys boıynsha is qozǵalyp, tergeý júrip jatyr.
Polıseıler adam saýdasynyń beleń alyp ketpeýi úshin reıd jumystaryn jıiletip, qylmystyń aldyn alý maqsatyndaǵy sharalardy kúsheıtti.
Qostanaı oblysy
