2013 jylǵy 27 tamyz, Almaty qalasy
Biryńǵaı jınaqtaýshy zeınetaqy qorynyń zeınetaqy aktıvterin basqarýshy sheteldik uıymdarǵa biryńǵaı jınaqtaýshy zeınetaqy qorynyń zeınetaqy aktıvterin basqarý úshin qajetti is-qımyldardy jasaýdy tapsyrǵan kezde olarǵa qoıylatyn talaptardy qosa alǵanda, olardy tańdaý qaǵıdalaryn bekitý týraly
«Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń Zańyna sáıkes jáne biryńǵaı jınaqtaýshy zeınetaqy qorynyń zeınetaqy aktıvterin basqarýdyń tıimdiligin qamtamasyz etý maqsatynda Qazaqstan Respýblıkasy Ulttyq Bankiniń Basqarmasy qaýly etedi:
1. Qosa berilip otyrǵan Biryńǵaı jınaqtaýshy zeınetaqy qorynyń zeınetaqy aktıvterin basqarýshy sheteldik uıymdarǵa biryńǵaı jınaqtaýshy zeınetaqy qorynyń zeınetaqy aktıvterin basqarý úshin qajetti is-qımyldardy jasaýdy tapsyrǵan kezde olarǵa qoıylatyn talaptardy qosa alǵanda, olardy tańdaý qaǵıdalary bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Ulttyq Bank Tóraǵasy G.MARChENKO.
Qazaqstan Respýblıkasynyń Ulttyq Banki Basqarmasynyń
2013 jylǵy 27 tamyzdaǵy № 222 qaýlysymen bekitilgen
Biryńǵaı jınaqtaýshy zeınetaqy qorynyń zeınetaqy aktıvterin basqarýshy sheteldik uıymdarǵa biryńǵaı jınaqtaýshy zeınetaqy qorynyń zeınetaqy aktıvterin basqarý úshin qajetti is-qımyldardy jasaýdy tapsyrǵan kezde olarǵa qoıylatyn talaptardy qosa alǵanda, olardy tańdaý qaǵıdalary
1. Jalpy erejeler
1. Biryńǵaı jınaqtaýshy zeınetaqy qorynyń zeınetaqy aktıvterin basqarýshy sheteldik uıymdarǵa biryńǵaı jınaqtaýshy zeınetaqy qorynyń zeınetaqy aktıvterin basqarý úshin qajetti is-qımyldardy jasaýdy tapsyrǵan kezde olarǵa qoıylatyn talaptardy qosa alǵanda, olardy tańdaý qaǵıdalary (budan ári – Qaǵıdalar) «Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy, «Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasynyń zańdaryna sáıkes ázirlendi jáne biryńǵaı jınaqtaýshy zeınetaqy qorynyń (budan ári – Qor) zeınetaqy aktıvterin basqarýshy sheteldik uıymdarǵa Qordyń zeınetaqy aktıvterin basqarý úshin qajetti is-qımyldardy jasaýdy tapsyrǵan kezde olarǵa qoıylatyn talaptardy qosa alǵanda, olardy tańdaýdyń tártibin retteıdi.
2. Qordyń zeınetaqy aktıvteriniń bir bóligi:
1) basqarýdy shoǵyrlandyrýmen baılanysty táýekelder deńgeıin basqarýdy ártaraptandyrý arqyly tómendetý;
2) syrtqy basqarýshynyń tájirıbesin, taldamalyq materıaldaryn, zertteýleri men tehnıkalyq resýrstaryn paıdalanýdyń arqasynda Qordyń zeınetaqy aktıvteriniń kiristiligin ulǵaıtý;
3) aktıvterdi basqarý, qyzmetkerlerdi oqytý salasynda qosymsha saraptama alý;
4) ishki basqarýda tájirıbe jınaqtalmaǵan aktıvterdiń jańa klastaryn paıdalaný múmkindigi úshin syrtqy basqarýǵa beriledi.
3. Qaǵıdalarda mynadaı uǵymdar paıdalanylady:
1) aımaqtyq mandat – ınvestısııalary bir eldiń (naryqtyń, aımaqtyń) sheńberinde shoǵyrlandyrylǵan portfel;
2) aktıvterdi aktıvtik basqarý – bul kiristilik aýytqýy ózgermeliliginiń maqsatty máni (tracking error) 0.5 paıyzdan asatyn basqarý túri;
3) aktıvterdi passıvtik basqarý – bul kiristilik aýytqýy ózgermeliliginiń maqsatty máni (tracking error) 0.5 paıyzdan aspaıtyn basqarý túri. Passıvtik basqarý kezinde syrtqy basqarýdaǵy portfeldiń kiristiligi shamamen etalondyq portfeldiń kiristiligine teń bolady;
4) aktıvterdi syrtqy basqarý – aktıvterdi klıentterdiń aktıvterin senimgerlik basqarýǵa mamandanǵan jáne qyzmetin halyqaralyq qarjy naryqtarynda júzege asyratyn sheteldik uıymǵa senimgerlik basqarýǵa berý júrgiziletin aktıvterdi basqarý túri;
5) aktıvterdi syrtqy tranzıttik basqarý – bul syrtqy tranzıttik basqarýshynyń bir syrtqy basqarýshydan basqasyna aýdarýǵa arnalǵan aktıvterdiń belgili bir qurylymynyń ýaqytsha portfelin beriletin aktıvterdiń transformasııasymen qatar júretin táýekelder men shyǵasylardy barynsha azaıtý maqsatynda 6 (alty) aıǵa deıingi merzimge qalyptastyrýynyń jáne qoldaý kórsetýiniń tehnıkalyq fýnksııasy;
6) aqparattyq koeffısıent (information ratio) – tarıhı joǵary kiristiliktiń táýekeldiń tarıhı deńgeıine (kiristilik aýytqýynyń ózgermeliligine) qatysy;
7) aýqymdy mandat – ınvestısııalary bir eldiń (naryqtyń, aımaqtyń) sheńberinen shyǵatyn portfel;
8) bas uıym – enshiles uıymdar aksııalarynyń baqylaý paketine ıe sheteldik uıym;
9) joǵary kiristilik deńgeıi – kiristiliktiń naqty jetken deńgeıi men etalondyq portfel kiristiligi deńgeıiniń arasyndaǵy aıyrma;
10) ınstıtýsıonaldyq ınvestor – qarjy aktıvterin ustaýshy rólindegi jáne qarjy aktıvterin ınvestısııalaý jónindegi kásibı qyzmetti júzege asyratyn zańdy tulǵa;
11) kiristilik aýytqýynyń ózgermeliligi (tracking error) – portfeldiń naryqtyq táýekeliniń etalondyq portfelge qatysy boıynsha portfel kiristiliginiń etalondyq portfel kiristiliginen aýytqýynyń ózgermeliligin kórsetetin negizgi kórsetkish;
12) mamandandyrylǵan mandat – basqarý stılderin ártaraptandyrý jáne syrtqy basqarýshylar arasyndaǵy teris korrelıasııa maqsatynda beriletin mandat;
13) mandat – Qazaqstan Respýblıkasy Ulttyq Bank (budan ári – Ulttyq Bank) aıqyndaıtyn ınvestısııalyq sıpattamalary bar portfel;
14) marja shoty – bul týyndy qarjy quraldarymen operasııalar júrgizý úshin bırjalarmen úlestes uıym bolyp tabylatyn, týyndy qarjy quraldarymen operasııalar boıynsha esep aırysýlardyń shynaıylyǵyn, jetkizýdi jáne júrgizýdi qamtamasyz etetin klırıngtik uıymda ashylǵan shot;
15) syrtqy basqarýshy – klıentterdiń aktıvterin senimgerlikpen basqarýǵa mamandanǵan jáne qyzmetin halyqaralyq qarjy naryqtarynda júzege asyratyn sheteldik uıym;
16) syrtqy tranzıttik basqarýshy – klıentterdiń aktıvterin tranzıttik basqarý qyzmetin kórsetetin jáne qyzmetin halyqaralyq qarjy naryqtarynda júzege asyratyn, Ulttyq Bankiniń Tóraǵasy nemese Tóraǵanyń ýákiletti bólimshege jetekshilik etetin orynbasary baǵa usynystarynyń salystyrmaly taldaýy negizinde taǵaıyndaıtyn sheteldik uıym;
17) ýákiletti bólimshe – Ulttyq Banktiń Monetarlyq operasııalar bólimshesi;
18) etalondyq portfel – ınvestordyń strategııalyq múddelerin kórsetetin quraldar jıyntyǵy. Etalondyq portfeldiń kiristiligi aktıvterdi basqarý kiristiligin baǵalaý kezinde ólshem bolady. Etalondyq portfel retinde álemdik jetekshi qarjy kompanııalary ne Ulttyq Bank ázirlegen jáne qadaǵalaıtyn ındekster paıdalanylady.
2. Qordyń zeınetaqy aktıvterin syrtqy jáne
syrtqy tranzıttik basqarýdyń negizgi talaptary
4. Qordyń aktıvterin basqarýdy syrtqy basqarýshy da, syrtqy tranzıttik basqarýshy da júzege asyrady.
5. Syrtqy nemese syrtqy tranzıttik basqarýǵa Qordyń zeınetaqy aktıvteriniń quramyna kiretin aqsha jáne basqa aktıvter beriledi.
6. Qordyń bir syrtqy basqarýshyǵa syrtqy basqarýǵa beriletin zeınetaqy aktıvteriniń jalpy ruqsat etilgen kólemi Qordyń shetel valıýtasymen zeınetaqy aktıvteri portfeliniń 10 (on) paıyzynan aspaıdy.
7. Aktıvterdi basqarý túri (aktıvtik, passıvtik) jáne etalondyq portfeldiń ólshemderi Ulttyq Banktiń Qordyń zeınetaqy aktıvterimen ınvestısııalyq operasııalardy júzege asyrýy sheńberinde aıqyndalady.
8. Syrtqy nemese syrtqy tranzıttik basqarýshyǵa belgilengen syıaqy jáne/nemese basqarý nátıjesine baılanysty syıaqy Qordyń syrtqy nemese syrtqy tranzıttik basqarýǵa berilgen zeınetaqy aktıvterin ınvestısııalyq basqarý (budan ári – ınvestısııalyq basqarý) shartynda aıqyndalǵan tártippen tólenedi.
3. Sheshim qabyldaý jáne Qordyń zeınetaqy aktıvterin
syrtqy nemese syrtqy tranzıttik basqarýǵa berý tártibi
9. Qordyń zeınetaqy aktıvterin syrtqy nemese syrtqy tranzıttik basqarýǵa berý qajettiligi týraly sheshimdi Ulttyq Banktiń Tóraǵasy nemese Tóraǵanyń ýákiletti bólimshege jetekshilik etetin orynbasary qabyldaıdy.
10. Eger Ulttyq Banktiń altynvalıýta aktıvterin jáne (nemese) Qazaqstan Respýblıkasy Ulttyq qorynyń aktıvterin syrtqy basqarýdy júzege asyratyn syrtqy basqarýshy Qaǵıdalardyń 15 jáne 16-tarmaqtarynda belgilengen krıterıılerdi qanaǵattandyrsa, Ulttyq Bank Tóraǵasynyń nemese Tóraǵanyń ýákiletti bólimshege jetekshilik etetin orynbasarynyń sheshimi boıynsha onyń kandıdatýrasy Ulttyq Bank Basqarmasynyń qaraýyna Qaǵıdalardyń 11, 12, 13 jáne 14-tarmaqtarynda kózdelgen rásimder júrgizilmesten engiziledi.
11. Ýákiletti bólimshe Ulttyq Banktiń Internet jelisindegi ınternet-resýrsynda syrtqy basqarýshyny tańdaý boıynsha alda bolatyn tender týraly aqparat jarııalaıdy, álýetti syrtqy basqarýshylardyń tizimin jasaıdy, osy aqparatty álýetti syrtqy basqarýshylarǵa jiberedi. Alda bolatyn tender týraly aqparatta mynalar bolady:
1) mandat túriniń sıpaty jáne onyń sıpattamalary (etalondyq portfel, basqarý maqsaty, ınvestısııalyq shekteýler, mandattyń boljamdy kólemi);
2) Qaǵıdalardyń 1-qosymshasyna sáıkes syrtqy basqarýshydan suratylatyn shaǵyn aqparat jáne jaýaptardy berý merzimi;
3) álýetti syrtqy basqarýshylarǵa qoıylatyn talaptar;
4) Ulttyq Banktiń tender ótkizýge jaýapty tulǵalary týraly málimetter.
12. Syrtqy basqarýshylardy tańdaýdy ýákiletti bólimshe júzege asyrady.
13. Álýetti syrtqy basqarýshylar Qaǵıdalardyń 1-qosymshasyna sáıkes suratylatyn aqparatqa jaýaptardy elektrondyq túrde jáne/nemese qaǵaz tasymaldaǵyshta alda bolatyn tender týraly aqparatta belgilengen merzimde, Internet jelisinde syrtqy basqarýshyny tańdaý boıynsha alda tender júrgizý týraly aqparatty Ulttyq Banktiń ınternet-resýrsynda jarııalaǵan kúnnen bastap 1 (bir) aıdan keshiktirmeı usynady.
14. Ýákiletti bólimshe Qaǵıdalardyń 15 jáne 16-tarmaqtarynda belgilengen syrtqy basqarýshylardy tańdaýdyń mindetti krıterıılerin eskere otyryp, kelip túsken barlyq usynystarǵa salystyrmaly taldaý júrgizedi.
Eger syrtqy basqarýshy mindetti krıterıılerdi qanaǵattandyrǵan jaǵdaıda, usynys odan ári qaralady jáne Qaǵıdalardyń 2-qosymshasyna sáıkes syrtqy basqarýshylardyń usynystaryn salystyrmaly taldaý úshin baǵalaý krıterııleri boıynsha salystyrmaly taldaý júrgiziledi.
Syrtqy basqarýshynyń usynysyn baǵalaý krıterııleriniń kestesine sáıkes baǵalaý tártibi Qaǵıdalardyń 3-qosymshasynda keltirilgen.
15. Qordyń bir syrtqy basqarýshyǵa beriletin zeınetaqy aktıvteriniń kólemi 300 (úsh júz) mıllıon AQSh dollary balamasynan asatyn mandattar úshin mindetti krıterııler mynalar:
1) Qordyń zeınetaqy aktıvterin ınvestısııalaý boljanatyn qarjy quraldarymen keminde 10 (on) jyl jumys tájirıbesiniń, onyń keminde 5 (bes) jyly mandattyń jarııalanǵan túri boıynsha jumys tájirıbesiniń bolýy.
Eger aýqymdy mandat boıynsha syrtqy basqarýshyny tańdaý boıynsha tender jarııalansa, al tender qatysýshysynyń basqarýynda barlyq aýqymdy mandattyń keminde 75 (jetpis bes) paıyzyn qamtıtyn osyǵan uqsas aımaqtyq mandattar ǵana bolsa, onda osy aımaqtyq mandattar boıynsha jumys tájirıbesi keminde 5 (bes) jyldy quraıdy;
2) basqarýdaǵy aktıvterdiń mólsheri: syrtqy basqarýshynyń basqarýynda klıentterdiń keminde 25 (jıyrma bes) mıllıard AQSh dollary balamasyndaǵy jıyntyq aktıvteriniń bolýy;
3) qarastyrylyp otyrǵan mandat túri boıynsha basqarýdaǵy aktıvterdiń mólsheri: syrtqy basqarýshyda qarastyrylyp otyrǵan mandat túri boıynsha klıentterdiń jıyntyq aktıvteri 1 (bir) mıllıard AQSh dollary balamasynan kem bolmaýy tıis.
Eger aýqymdy mandat boıynsha syrtqy basqarýshyny tańdaý boıynsha tender jarııalansa, al tender qatysýshysynyń basqarýynda aýqymdy mandatty qamtýdyń keminde 75 (jetpis bes) paıyzyn qamtıtyn osyǵan uqsas aımaqtyq mandattar ǵana bolsa, osyǵan uqsas aımaqtyq mandattar ǵana bolsa, onda aımaqtyq mandattar boıynsha aktıvterdiń mólsheri 1 (bir) mıllıard AQSh dollary balamasynan kem bolmaýy tıis.
16. Qordyń bir syrtqy basqarýshyǵa beriletin zeınetaqy aktıvteriniń kólemi 300 (úsh júz) mıllıon AQSh dollary balamasynan aspaıtyn mamandandyrylǵan mandattar úshin mindetti krıterııler mynalar:
1) Qordyń zeınetaqy aktıvterin ınvestısııalaý boljanatyn qarjy quraldarymen keminde 5 (bes) jyl jumys tájirıbesiniń, onyń keminde 3 (úsh) jyly mandattyń jarııalanǵan túri boıynsha jumys tájirıbesiniń bolýy.
Eger aýqymdy mandat boıynsha syrtqy basqarýshyny tańdaý boıynsha tender jarııalansa, al tender qatysýshysynyń basqarýynda barlyq aýqymdy mandattyń keminde 75 (jetpis bes) paıyzyn qamtıtyn osyǵan uqsas aımaqtyq mandattar ǵana bolsa, onda osy aımaqtyq mandattar boıynsha jumys tájirıbesi keminde 3 (úsh) jyldy quraıdy;
2) basqarýdaǵy aktıvterdiń mólsheri: basqarýynda klıentterdiń jıyntyq aktıvteriniń mólsheri keminde 1 (bir) mıllıard AQSh dollaryn quraıtyn balamaly quraldar mandattary boıynsha syrtqy basqarýshylardy qospaǵanda, syrtqy basqarýshynyń basqarýyndaǵy klıentterdiń jıyntyq aktıvteri 3 (úsh) mıllıard AQSh dollary balamasynan kem bolmaýy tıis;
3) qarastyrylyp otyrǵan mandat túri boıynsha basqarýdaǵy aktıvterdiń mólsheri: syrtqy basqarýshyda mandattyń qarastyrylyp otyrǵan túri boıynsha 150 (bir júz elý) mıllıon AQSh dollary balamasynan kem emes klıentterdiń jıyntyq aktıvteri bolýy tıis.
Eger aýqymdy mandat boıynsha syrtqy basqarýshyny tańdaý boıynsha tender jarııalansa, al tender qatysýshysynyń basqarýynda aýqymdy mandatty qamtýdyń keminde 75 (jetpis bes) paıyzyn qamtıtyn osyǵan uqsas aımaqtyq mandattar ǵana bolsa, onda aımaqtyq mandattar boıynsha aktıvterdiń mólsheri keminde 150 (bir júz elý) mıllıon AQSh dollary balamasynan kem bolmaýy tıis.
Mamandandyrylǵan mandat qoldanyla bastaǵannan keıin bir syrtqy basqarýshyǵa onyń basqarý nátıjeleri boıynsha 300 (úsh júz) mıllıon AQSh dollarynan asatyn, biraq Qaǵıdalardyń 6-tarmaǵynda kórsetilgen shekteýden aspaıtyn mólsherdegi zeınetaqy aktıvteri beriledi.
17. Ulttyq Banktiń syrtqy basqarýshynyń basqarý nátıjeleri men sapasy týraly suratý jibere otyryp, onyń klıentterine ótinish jasaýyna jol beriledi.
18. Syrtqy basqarýshylardyń usynystaryn taldaý jónindegi qorytyndyny daıyndaý merzimi syrtqy basqarýshy suratylǵan aqparatty usynǵan kúninen bastap 2 (eki) aıdan aspaıdy.
19. Ýákiletti bólimshe daıyndaǵan, syrtqy basqarý jónindegi usynystardy salystyrmaly taldaýdan jáne syrtqy basqarýshyny tańdaý jónindegi usynymdardan turatyn qorytyndy Ulttyq Banktiń Tóraǵasyna nemese Tóraǵanyń ýákiletti bólimshege jetekshilik etetin orynbasaryna qaraýǵa usynylady, ol qaraý nátıjesi boıynsha syrtqy basqarýshylardyń neǵurlym tıimdi usynystaryn (qysqa tizim – short list) bekitedi. Ýákiletti bólimshe qysqa tizimdegi – short list álýetti syrtqy basqarýshylarmen usynystyń talaptaryn jaqsartý maqsatynda kelissózder júrgizedi.
20. Syrtqy basqarýshy, ınvestısııalyq sheshimder qabyldaý tártibi jáne táýekelderdi baqylaý rásimderi týraly neǵurlym naqty jáne dál aqparat alý úshin áleýetti syrtqy basqarýshylarmen kezdesýler júrgizýge jol beriledi.
21. Árbir syrtqy basqarýshy Ulttyq Bank pen syrtqy basqarýshy arasynda ınvestısııalyq basqarý shartyn jasaýdy kózdeıtin Ulttyq Bank Basqarmasynyń sheshimimen bekitiledi.
22. Ulttyq Bank Basqarmasy ne Tóraǵa nemese Tóraǵanyń ýákiletti bólimshege jetekshilik etetin orynbasary syrtqy basqarýshyny bekitkennen keıin ýákiletti bólimshe tenderdiń árbir qatysýshysyna tenderdiń qorytyndysy týraly habarlama usynady.
23. Qordyń zeınetaqy aktıvterin syrtqy tranzıttik basqarýǵa berý syrtqy tranzıttik basqarýshymen ınvestısııalyq basqarý shartyna qol qoıylǵannan keıin júzege asyrylady.
24. Ýákiletti bólimshe Ulttyq Bank Basqarmasynyń syrtqy basqarýshyny bekitý týraly sheshiminiń negizinde syrtqy basqarýshymen ınvestısııalyq basqarý shartyn daıyndaý jáne jasaý rásimin júrgizedi jáne Qordyń syrtqy basqarýshysymen ınvestısııalyq basqarý shartynyń barlyq talaptarynyń oryndalýyna odan ári monıtorıngti jáne baqylaýdy júzege asyrady.
4. Qordyń syrtqy basqarýǵa berilgen zeınetaqy aktıvterin ınvestısııalyq
basqarý shartynyń talaptary
25. Syrtqy basqarýshymen Qordyń syrtqy basqarýǵa berilgen zeınetaqy aktıvterin ınvestısııalyq basqarý shartynda (budan ári - ınvestısııalyq basqarý sharty) mynadaı talaptar bolady:
1) Ulttyq Banktiń syrtqy basqarýshymen ınvestısııalyq basqarý shartyn kez kelgen ýaqytta sebepterin túsindirmesten, merziminen buryn buzý quqyǵy;
2) Ulttyq Banktiń syrtqy basqarýdaǵy Qordyń zeınetaqy aktıvterdiń bir bóligin óziniń qalaýy boıynsha tolyqtyrý/qaıtaryp alý quqyǵy;
3) memlekettik jáne taraptarǵa qolaıly tildegi ınvestısııalyq basqarý shartyna qol qoıý;
4) syrtqy basqarýshynyń, onyń Ulttyq qordyń syrtqy basqarýǵa berilgen zeınetaqy aktıvterin basqarýǵa jaýapty qyzmetkerleriniń qozǵalysy týraly aqparat usynýy;
5) shot boıynsha operasııalardy tekserý, sondaı-aq syrtqy basqarýshy, ınvestısııalyq sheshimder qabyldaý tártibi jáne táýekelderdi baqylaý rásimderi týraly neǵurlym naqty jáne dál aqparat alý úshin syrtqy basqarýshyǵa Ulttyq Bank, Qor mamandarynyń jáne táýelsiz aýdıtorlardyń kelýi;
6) syrtqy basqarýshymen úlestes uıymdardy Qordyń syrtqy basqarýǵa berilgen zeınetaqy aktıvterimen mámileler boıynsha brokerler retinde paıdalaný múmkindiginiń bolmaýy;
7) kiristilik aýytqýynyń kútiletin ózgermeliliginiń (expected tracking error) belgilengen lımıtin buzǵany úshin syrtqy basqarýshynyń jaýapkershiligi týraly;
8) syrtqy basqarýshy tarapynan bolǵan uqypsyz qaraý, mindettemelerdi qasaqana oryndamaý nemese alaıaqtyq saldarynan Qorǵa keltirilýi múmkin shyǵyndar úshin jaýapkershilik týraly;
9) Ulttyq Banktiń jáne Qordyń zeınetaqy aktıvterin basqarýdy jáne monıtorıngin júzege asyratyn qyzmetkerlerine konsýltasııa berý, olardy oqytý nemese taǵylymdamadan ótkizý;
10) ınvestısııalyq basqarý sharty buzylǵan jaǵdaıda syrtqy basqarýshy portfel boıynsha kastodıan bankpen (kastodıan banktermen) salystyryp tekserilgen shartty buzý kúnindegi tolyq eseptilikti usynady;
11) syrtqy basqarýshy mynadaı negizgi baǵyttarǵa sáıkes eseptilikti júıeli túrde Ulttyq Bankke usynady:
aldyńǵy jumys kúni jasalǵan operasııalar boıynsha kún saıynǵy eseptilik;
aldyńǵy jumys kúnindegi portfeldiń pozısııalary boıynsha kún saıynǵy eseptilik;
portfeldi baǵalaý (aktıvterdi valıýtalardyń synyptary jáne túrleri boıynsha bólý, portfeldiń esepti aı sońyndaǵy quramy, aktıvterdiń esepti aı sońyndaǵy naryqtyq quny);
portfeldi basqarý nátıjelerin taldaý (qol jetken kiristilik, etalondyq portfelmen salystyrǵanda portfel táýekeliniń kórsetkishteri jáne kiristilik aýytqýynyń ózgermelilik deńgeıi (tracking error) bóliginde portfeldi basqarý boıynsha aı saıynǵy jáne jalpy nátıjeler);
naryqtardyń jaı-kúıi týraly ekonomıkalyq esep, syrtqy basqarýshylardyń sapary kezindegi tanystyrylymdar túrinde nemese telefon konferensııalary arqyly aǵymdaǵy strategııalar men basqarý qurylymyndaǵy eń mańyzdy ózgeristerin jáne portfelge olardyń áserin túsindirý;
portfeldiń kiristiligine ár túrli faktorlardyń úlesi (performance attribution report) mandattyń aktıvtik túri úshin, merzimdiligi – árbir toqsannyń jáne jyldyń sońyna;
12) syrtqy basqarýshy aı saıyn árbir aıdyń sońynda ınvestısııalyq basqarý shartyna sáıkes belgilengen merzimderge sáıkes syrtqy basqarýǵa berilgen portfeldiń quramyn kastodıan banktiń (kastodıan bankterdiń) derekterimen salystyryp tekseredi (reconciliation);
13) ınvestısııalyq basqarý shartyna eki taraptyń jazbasha kelisimimen ózgerister men tolyqtyrýlar engizý múmkindigi.
Ulttyq Bank syrtqy basqarýshynyń usynysyn ol osy tarmaqtyń talaptaryn ınvestısııalyq basqarý shartyna engizý jónindegi sharttyń osy tarmaqta kózdelgen rastaý talaptarymen kelisken kezde qaraıdy.
26. Investısııalyq basqarý shartyna Ulttyq Banktiń tarapynan Ulttyq Banktiń Tóraǵasy nemese Tóraǵanyń ýákiletti bólimshege jetekshilik etetin orynbasary qol qoıady.
27. Qol qoıylǵan ınvestısııalyq basqarý shartyna sáıkes Ulttyq Bank Qordyń zeınetaqy aktıvteriniń bir bóligin Ulttyq Banktiń kastodıan banktegi (kastodıan bankterdegi) syrtqy basqarýǵa arnalǵan shottaryna aqshany jáne/nemese baǵaly qaǵazdardy aýdarý jolymen syrtqy basqarýǵa berýdi júzege asyrady.
28. Qordyń zeınetaqy aktıvterin syrtqy basqarýǵa berý kezinde aktıvterdi bir túrden basqasyna aýdarý boıynsha ótpeli kezeń (transition period) eskeriledi. О́tpeli kezeńniń uzaqtyǵy 30 (otyz) jumys kúninen aspaıdy.
29. Qordyń zeınetaqy aktıvteriniń syrtqy basqarýǵa beriletin bir bóligi Ulttyq Banktiń kastodıan banktegi (bankterdegi) shottarynda jáne Qordyń klırıngtik uıymyndaǵy (uıymdaryndaǵy) marja shottarynda Ulttyq Banktiń ruqsatymen saqtalady.
30. Investısııalyq basqarý shartynyń talaptary men shekteýleri Ulttyq Banktiń Qordyń zeınetaqy aktıvterimen ınvestısııalyq operasııalardy júzege asyrýy sheńberinde belgilengen talaptar men shekteýlerge sáıkes keledi.
31. Qaǵıdalardyń 25-tarmaǵynyń 4), 6), 7), 9), 11), 12) tarmaqshalaryn qospaǵanda, osy taraýda belgilengen talaptar syrtqy tranzıttik basqarýshy syrtqy tranzıttik basqarýdy júzege asyrǵan kezde Ulttyq Bank pen syrtqy tranzıttik basqarýshy arasynda týyndaıtyn qatynastarǵa qoldanylady.
5. Syrtqy basqarý nátıjeleri jáne monıtorıng
32. Qordyń zeınetaqy aktıvterin syrtqy basqarýǵa bergen kezden bastap ýákiletti bólimshe syrtqy basqarýshy qyzmetiniń kún saıynǵy monıtorıngin júrgizedi: ınvestısııalyq basqarý shartynda kórsetilgen shekteýlerge sáıkes kelýi tekseriledi, syrtqy basqarýshy jasaıtyn mámilelerdiń monıtorıngi júzege asyrylady, syrtqy basqarýdaǵy portfel táýekeliniń jáne kiristiliginiń kórsetkishteri baǵalanady.
33. Syrtqy basqarýshy jumysynyń tıimdiligin baǵalaý Qaǵıdalardyń 4-qosymshasynda keltirilgen syrtqy basqarýshy jumysynyń tıimdiligin baǵalaý kórsetkishteriniń jáne Ulttyq Bank pen Qordyń mamandaryna usynylǵan oqytýdyń jáne tehnologııalardyń sapasy negizinde júrgiziledi.
34. Ýákiletti bólimshe jylyna bir ret kezeńdikpen syrtqy basqarýshymen kózdesý ótkizedi, onda syrtqy basqarýshy basqarý nátıjeleri týraly, ınvestısııalyq shekteýlerdiń oryndalýy týraly esep beredi, naryqtyq ahýalǵa jáne onyń portfel men basqarý strategııasyna yqtımal áser etýine baǵa beredi.
35. Syrtqy basqarýshy jumysynyń tıimdiligin baǵalaý rásimi Qaǵıdalardyń 4-qosymshasynda keltirilgen syrtqy basqarýshy jumysynyń tıimdiligin baǵalaý kórsetkishterine sáıkes júzege asyrylady jáne júrgizilgen taldaý nátıjeleri boıynsha Ulttyq Banktiń Basqarmasy ne Tóraǵasy nemese Tóraǵanyń ýákiletti bólimshege jetekshilik etetin orynbasary osy syrtqy basqarýshymen jumysty jalǵastyrý týraly nemese ony toqtatý týraly tıisti sheshim qabyldaıdy. Sheshim syrtqy basqarýshynyń 3 (úsh) jylǵy basqarý kezeńindegi nátıjeleri negizinde qabyldanady.
36. Syrtqy basqarýshynyń ótken eki jyldyq kezeń úshin alǵan kýmýlıatıvtik ústeme kiristiligi teris bolǵan jaǵdaıda jáne onyń absolıýttik máni tıisti mandat boıynsha kiristiliktiń aýytqý ózgermeliligi kórsetkishiniń (tracking error) belgilengen lımıtiniń absolıýttik máninen asyp ketse, onda Ulttyq Bank Basqarmasynyń qaraýyna osy syrtqy basqarýshymen jasalǵan ınvestısııalyq basqarý shartyn buzý týraly másele shyǵarylady.
37. Eger syrtqy basqarýǵa beriletin Qaǵıdalardyń 6-tarmaǵynda belgilengen lımıt jumys istep turǵan eki syrtqy basqarýshynyń qosylýyna baılanysty buzylsa, ýákiletti bólimshe Ulttyq Bank Tóraǵasynyń nemese Tóraǵanyń ýákiletti bólimshege jetekshilik etetin orynbasarynyń qaraýyna eki syrtqy basqarýshynyń Qaǵıdalardyń 4-qosymshasynda keltirilgen syrtqy basqarýshy jumysynyń tıimdiligin baǵalaý kórsetkishterine sáıkes tómen nátıje kórsetken bireýimen ınvestısııalyq basqarý shartyn buzý týraly máseleni engizedi. Kórsetilgen buzýshylyq týyndaǵan kúninen bastap 4 (tórt) aıdyń ishinde joıylady.
38. Syrtqy basqarýshymen jasalǵan ınvestısııalyq basqarý sharty ınvestısııalyq basqarý shartyna sáıkes:
1) syrtqy basqarýshy etalondyq portfelmen salystyrǵanda syrtqy basqarýdaǵy portfeldi basqarý boıynsha ústeme kiristilikke qol jetkizbegen kezde;
2) ınvestısııalyq basqarý shartynyń talaptary buzylǵan kezde;
3) Qordyń Investısııalyq strategııasy ózgergen kezde;
4) Ulttyq Bank Basqarmasynyń ne Ulttyq Bank Tóraǵasynyń nemese Tóraǵanyń ýákiletti bólimshege jetekshilik etetin orynbasarynyń sheshimi boıynsha buzylady.
Biryńǵaı jınaqtaýshy zeınetaqy qorynyń zeınetaqy aktıvterin basqarýshy sheteldik uıymdarǵa biryńǵaı jınaqtaýshy zeınetaqy qorynyń zeınetaqy aktıvterin basqarý úshin qajetti is-qımyldardy jasaýdy tapsyrǵan kezde olarǵa qoıylatyn talaptardy qosa alǵanda, olardy tańdaý qaǵıdalaryna 1-qosymsha
Syrtqy basqarýshydan suratylatyn eń az aqparat
1. Uıymnyń qaralatyn mandat túri boıynsha jumys tájirıbesi.
2. Sońǵy 5 jyldaǵy klıentterdiń basqarýdaǵy aktıvteri, onyń ishinde:
1) basqarýdaǵy jalpy aktıvter;
2) qaralatyn mandat túri boıynsha aktıvter;
3) ınstıtýsıonaldyq klıentterdiń aktıvteri;
4) ortalyq bankterdiń aktıvteri.
3. Syrtqy basqarýǵa berilgen aktıvter úshin jaýapty bolatyn portfeldik menedjerler jáne klıenttermen baılanys jónindegi menedjerler týraly aqparat.
4. Portfeldik menedjerler men taldaýshylar arasynda sońǵy 5 jylda qyzmetkerlerdiń turaqtamaýy týraly aqparat.
5. Investısııalyq úderistiń, portfeldi basqarý ádisteriniń, naryqty zertteýdiń tolyq sıpaty, qarjylyq aqparattyń paıdalanylatyn kózderi nemese qarjy quraldaryn baǵalaýdyń modelderi.
6. Aktıvterdi aktıvtik basqarý kezinde týyndaǵan aktıvtik naryq táýekeliniń úlgisin jasaý, monıtorıngi jáne basqarý qalaı júzege asyrylady (eger qaralatyn mandat túri aktıvterdi aktıvtik basqarýǵa jatatyn bolsa)?
7. Táýekelderdi baqylaý jáne basqarý boıynsha arnaıy baǵdarlamalyq qamtamasyz etýdiń bolýy.
8. Sońǵy 5 jyldaǵy uqsas nemese jaqyn etalondyq portfel jáne mandat túri bar portfeldi basqarýdyń tarıhı nátıjesi.
9. Býhgalterlik jáne taldamalyq eseptilikte qoldanylatyn kiristilikti, táýekeldi esepteý úshin paıdalanylatyn baǵdarlamalyq qamtamasyz etýdiń sıpaty.
10. Ishki korporatıvtik etıkanyń sıpaty.
11. Investısııalyq basqarý shartynyń talaptary buzylǵan jaǵdaıda, syrtqy basqarýshynyń Ulttyq Banktiń aldyndaǵy jaýapkershiligi.
12. Klıentti syrtqy basqarýshynyń qatelerinen qorǵaý úshin saqtandyrýdyń qandaı túrleri paıdalanylady?
13. Bas uıymnyń kredıttik reıtıngi (eger bar bolsa), syrtqy basqarýshynyń onyń bas uıymyna syrtqy basqarýshymen jasalǵan ınvestısııalyq basqarý shartynyń talaptaryn syrtqy basqarýshy oryndamaǵan kezde zııandy óteý týraly kepildik berý múmkindigi ne tikeleı bas uıymmen ınvestısııalyq basqarý shartyna qol qoıý múmkindigi ne Ulttyq Bank, syrtqy basqarýshy jáne onyń bas uıymy arasynda úshjaqty ınvestısııalyq basqarý sharty túrinde.
14. Klıentter úshin usynylatyn trenıngtiń talaptary.
15. Basqarý úshin komıssııanyń boljamdy deńgeıi týraly aqparat.
16. Syrtqy basqarýshynyń qarjylyq eseptiliginiń sońǵy qarjylyq jyldaǵy aýdıtorlyq qorytyndysy.
Biryńǵaı jınaqtaýshy zeınetaqy qorynyń zeınetaqy aktıvterin basqarýshy sheteldik uıymdarǵa biryńǵaı jınaqtaýshy zeınetaqy qorynyń zeınetaqy aktıvterin basqarý úshin qajetti is-qımyldardy jasaýdy tapsyrǵan kezde olarǵa qoıylatyn talaptardy qosa alǵanda, olardy tańdaý qaǵıdalaryna 2-qosymsha
Syrtqy basqarýshylardyń usynystaryn
salystyrmaly taldaýǵa arnalǵan baǵalaý krıterııleri
Krıterııler Krıterııdiń mańyzdylyǵy
(paıyzben)
1. Portfeldi basqarýdyń tarıhı nátıjeleri (aımaqtyq mandattarǵa mamandanǵan jáne aýqymdy mandat boıynsha basqarýshyny tańdaýǵa qatysatyn áleýetti syrtqy basqarýshylardyń usynystaryna salystyrmaly taldaý júrgizgen kezde kórsetkishterdiń tıisti mandattyń qamtylýyna qaraı normasy belgilenedi) 35
ústeme kiristiliktiń sońǵy 3-5 jyldaǵy ortasha kórsetkishi (eger ústeme kiristilik kórsetkishi
5 jyldan kem kezeńde oń bolsa, kórsetkishtiń
5 jyldyq kezeńge qatysty normasy belgilenedi) 40
aqparattyq koeffısıenttiń sońǵy 3-5 jyldaǵy ortasha kórsetkishi (eger aqparattyq koeffısıenttiń kórsetkishi 5 jyldan kem kezeńde oń bolsa, kórsetkishtiń 5 jyldyq kezeńge qatysty normasy belgilenedi) 60
2. Aktıvter 10
osy mandat túri boıynsha aktıvter kóleminiń basqarýdaǵy jalpy aktıvterge qatysty paıyzy (aımaqtyq mandattarǵa mamandanǵan jáne aýqymdy mandat boıynsha basqarýshyny tańdaýǵa qatysatyn áleýetti syrtqy basqarýshylardyń usynystaryna salystyrmaly taldaý júrgizgen kezde aımaqtyq mandattar boıynsha aktıvterdiń kólemi paıdalanylady. Bul mánniń tıisti mandattyń qamtylýyna baılanysty normasy belgilenedi) 65
ınstıtýsıonaldyq ınvestorlardyń aktıvteri kóleminiń basqarýdaǵy jalpy aktıvterge qatysty paıyzy 35
3. Komanda 15
tıisti mandat boıynsha aktıvterdi basqarýǵa jaýapty portfeldik menedjerlerdiń jáne taldaýshylardyń ortasha jumys tájirıbesi 50
kompanııa boıynsha jalpy alǵanda portfeldik menedjerler men taldaýshylardyń arasynda mamandardyń turaqtamaýynyń tómen bolýy 50
4. Kredıttik mártebe 5
eger bas uıymnyń kepildigi bolsa ne ınvestısııalyq basqarý shartyna bas uıym qol qoısa, onda bas uıymnyń kredıttik reıtıngisi (S&P nemese Moody’s), olaı bolmaǵan jaǵdaıda sheteldik uıymnyń kredıttik reıtıngisi (S&P nemese Moody’s)
5. Basqarý úshin tólenetin komıssııanyń deńgeıi 20
Bazalyq komıssııanyń deńgeıi 90
Net new high basis since inception qaǵıdatyn qabyldaý 10
6. Servıs 8
Ulttyq Banktiń/Qordyń mamandaryn oqytý 70
kún saıynǵy eseptilik 30
7. Táýekelderdi baqylaý jáne basqarý boıynsha arnaıy baǵdarlamalyq qamtamasyz etýdiń bolýy 2
8. Investısııalyq basqarý shartynyń talaptary buzylǵan jaǵdaıda Ulttyq Bank aldynda jaýapkershilik qabyldaý 5
Biryńǵaı jınaqtaýshy zeınetaqy qorynyń zeınetaqy aktıvterin basqarýshy sheteldik uıymdarǵa biryńǵaı jınaqtaýshy zeınetaqy qorynyń zeınetaqy aktıvterin basqarý úshin qajetti is-qımyldardy jasaýdy tapsyrǵan kezde olarǵa qoıylatyn talaptardy qosa alǵanda, olardy tańdaý qaǵıdalaryna 3-qosymsha
Syrtqy basqarýshynyń usynystaryn baǵalaý krıterııleriniń
kestesine sáıkes baǵalaý tártibi
1. Syrtqy basqarýshylardyń usynystaryn salystyrmaly taldaýǵa arnalǵan baǵalaý krıterıılerinde (budan ári – Keste) keltirilgen, tıisti úlesteri bar barlyq kórsetkishter somasy syrtqy basqarýshynyń usynysyn baǵalaý bolyp tabylady.
2. Qandaı da bolmasyn kórsetkish Kestege engizilmes buryn, tómendegi formýla paıdalanyla otyryp, kórsetkishtiń qaralatyn krıterııdegi eń jaqsy kórsetkishke qatysty normasy belgilenedi:
Basqarýshynyń normasy belgilengen kórsetkishi = Basqarýshynyń kórsetkishi/barlyq syrtqy basqarýshylar boıynsha kórsetkishtiń eń joǵary máni.
3. Eger syrtqy basqarýshy mandattyń jarııalanǵan túri boıynsha aktıvterdi basqa mandattyń sheńberinde basqarsa, onda osy aktıvterdi basqarýdyń tarıhı nátıjelerin basqa mandattyń sheńberinde baǵalaý júzege asyrylady.
4. Bas uıymnyń jáne/nemese syrtqy basqarýshynyń kredıttik reıtıngisin baǵalaý kezinde mynadaı kórsetkishter júıesi paıdalanylady:
Kredıttik reıtıng (S&P) Kórsetkish
AAA 1
AA+ 0,8
AA 0,7
AA- 0,6
A+ 0,5
A 0,4
A- 0,3
VVV+ 0,2
VVV 0,1
VVV-dan tómen 0
5. Ulttyq Banktiń mamandaryn oqytýdy baǵalaý kezinde kórsetkishterdiń mynadaı júıesi paıdalanylady:
Trenıng talaptary Kórsetkish
Syrtqy basqarýshy ushý, turý, tamaqtaný aqysyn tóleıdi 1
Syrtqy basqarýshy turý, tamaqtaný aqysyn tóleıdi 0.5
Syrtqy basqarýshy turý aqysyn tóleıdi 0.2
Biryńǵaı jınaqtaýshy zeınetaqy qorynyń zeınetaqy aktıvterin basqarýshy sheteldik uıymdarǵa biryńǵaı jınaqtaýshy zeınetaqy qorynyń zeınetaqy aktıvterin basqarý úshin qajetti is-qımyldardy jasaýdy tapsyrǵan kezde olarǵa qoıylatyn talaptardy qosa alǵanda, olardy tańdaý qaǵıdalaryna 4-qosymsha
Syrtqy basqarýshy jumysynyń tıimdiligin baǵalaý kórsetkishteri
Syrtqy basqarýshynyń jumysyn baǵalaý kezinde sýbektıvtilikti boldyrmaý úshin syrtqy basqarýshylardy sandyq jáne sapalyq kórsetkishterge sáıkes baǵalaý jáne ball qoıý negizgi maqsat bolyp tabylady.
Sandyq kórsetkishter:
Aqparattyq koeffısıent (Information ratio)
Paıyzdar Aqparattyq koeffısıent
(Information ratio)
>1 3 ball
0,5 - 1 2 ball
0 - 0,5 1 ball
0 0 ball
(-) 0,5- 0 (-) 1 ball
(-) 1 - (-) 0,5 (-) 2 ball
<(-) 1 (-) 3 ball
Sapalyq kórsetkishter:
1) qyzmetkerlerdi jyljytý (Staff turnover);
Paıyzdar Qyzmetkerlerdi jyljytý (Staff turnover)
> 30 (-) 0,5 ball
5 - 30 (-) 0,25 ball
0 - 5 0 ball
2) operasııalyq táýekel (Operational risk).
operasııalyq qate saldarynan ınvestısııalyq shekteýlerdi buzýdyń árbir faktisi úshin baǵadan 0,2 ball alynady;
eseptilikti kórsetilgen merzimde júıeli túrde usynbaǵan jaǵdaıda baǵadan 0,2 ball alynady.
3) iskerlik etıkany saqtaý (compliance with a Code of Business Ethics).
syrtqy basqarýshynyń iskerlik etıkany buzýynyń árbir faktisi úshin baǵadan 0,5 ball alynady;
ınvestısııalyq basqarý shartyna sáıkes Ulttyq Banktiń tapsyrmalaryn júıeli túrde ýaqtyly oryndamaǵan jaǵdaıda, baǵadan 0,5 ball alynady.
Buıryq Qazaqstan Respýblıkasynyń Ádilet mınıstrliginde 2013 jylǵy 12 qazanda Normatıvtik quqyqtyq kesimderdi memlekettik tirkeýdiń tizilimine №8813 bolyp engizildi.
