Forýmnyń birinshi kúniniń jumysy aımaqtyq forýmdarǵa sholý kórsetiliminen bastalady. Budan keıin ÚEU ókilderiniń qatysýymen «Resýrstyq ortalyqtar - azamattyq bastamalardy tartý ortalyqtary» taqyrybynda podkast ótedi.
«Sybaılas jemqorlyqqa qarsy azamattyq qoǵam» saraptama alańynda forým qatysýshylary paraqorlyqpen kúresýdiń tıimdi ádisterin jáne qoǵamda osy áleýmettik zulymdyqqa tózbeýshilikti qalyptastyrý tásilderin talqylaı alady. Sondaı-aq «Qoǵamdyq keńesterdiń tıimdiligin arttyrý tájirıbesi men praktıkasy», «Pikir kóshbasshylarynyń aýdıtorııa aldyndaǵy azamattyq jaýapkershiligi» taqyryptarynda pikirtalastar ótedi.
LIVE rejıminde «Azamattyq qoǵam. Máseleler men aldyńǵy kórinis» atty saraptama alańy jumys isteıdi. Munda QR Aqparat jáne qoǵamdyq damý mınıstri Aıda Balaeva men Qazaqstannyń Azamattyq Alıansynyń prezıdenti Baný Nurǵazıevanyń kezdesý-talqylaýy ótedi. Bul qyzyqty spıkerlermen áńgimelesýdiń jáne olarǵa tikeleı suraqtar qoıýdyń biregeı múmkindigi.
Sonymen qatar, Azamattyq forýmnyń birinshi kúni mınıstrlerdiń úkimettik emes sektor ókilderimen kezdesýleri ótedi. ÚEU kezdesýlerdi QR Densaýlyq saqtaý mınıstri Alekseı Soı, QR Qarjy birinshi vıse-mınıstri Berik Sholpanqulov, QR Ishki ister mınıstriniń orynbasary Arystanǵanı Zapparov ótkizedi.
Azamattyq forýmǵa qatysýshylar onlaın rejıminde barlyq spıkerlerge suraqtar qoıyp, qorytyndy shyǵaryp, aldaǵy jumys josparlaryn talqylaı alady. Birinshi kúnniń sońynda «ÚEU jáne bıznes, ekijaqqa tıimdi áriptestikti qalaı ornatýǵa bolady» atty eki saǵattyq trenıng ótedi.
Ár túrli formattaǵy alańdar: trenıngter, pikirtalastar, beıne podkasttar, zým-kezdesýler Feısbýktegi https://www.facebook.com/azamattyqforum paraqshasynda, ınstamgramdaǵy https://www.instagram.com/azamattyqforum , https://www.youtube.com/channel/UCFGPjS9AIdVgqzxj_2aydfQ ıýtýb-arnasynda kórsetiletin bolady. Forým baǵdarlamasy men delegattardy tirkeý www.azamattyqforum.kz saıtynda qoljetimdi.
Esterińizge sala keteıik, alǵashqy Azamattyq forým 2003 jyldyń 14 qazanynda ótti. Osy ýaqyttan bastap elimizdiń úshinshi sektoryn damytýǵa úlken kóńil bólinýde. Qazir Qazaqstanda 22 000-nan astam úkimettik emes uıym tirkelgen.
