Máselen, ótken aptada «Qarasý» (Jambyl oblysy – 1 fakt), «Tájen» (Mańǵystaý oblysy - 1 fakt), «Jaısań» (Aqtóbe oblysy – 1 fakt), «Qaraqoǵa» (SQO – 1 fakt), «Qaıraq» (Qostanaı oblysy – 2 fakt), «Ýrlıýtóbe» (Pavlodar oblysy – 2 fakt) avtomobıl ótkizý pýnktterinde memlekettik shekarany zańsyz kesip ótýdiń kóptegen áreketteriniń joly kesildi.
Júrgizýshiler jalǵan júrgizýshi kýálikterin qoldana otyryp, halyqaralyq júk tasymalynyń shekaradan ótýine negiz bolatyn ekinshi júrgizýshisi retinde shekarany zańsyz kesip ótýge tyrysqan.
Barlyq kórsetilgen jaǵdaılarda «Jalǵan qujattardy, mórtabandardy, mórlerdi, blankilerdi, poshta tóleminiń memlekettik belgilerin, memlekettik nagradalardy qoldan jasaý, daıyndaý nemese ótkizý» Qazaqstan Respýblıkasy QK-niń 385-babynda kózdelgen qylmys belgileri boıynsha tekserý materıaldary kólik quraldarymen birge ýákiletti organdarǵa berildi.
Budan basqa, bir kúnniń ishinde - aǵymdaǵy jylǵy 18 qarashada «Qarasý» (Jambyl oblysy), «Jaısań» (Aqtóbe oblysy), «Jańa jol» jáne «Qaraqoǵa» (SQO) ótkizý pýnktterinde jalǵan qujattar men sáıkestendirý nómirleri bar avtomobılderdi shekara arqyly zańsyz ótkizýdiń 4 áreketiniń joly kesildi.
Jalpy, karantındik shekteýler kezeńinde, memlekettik shekarany zańsyz kesip ótý áreketteri kezinde jalǵan júrgizýshi kýálikterin paıdalanǵan 113 adam (Qazaqstan - 51, Qyrǵyzstan - 30, О́zbekstan - 20, Tájikstan - 7, RF - 5), 35 adam - jalǵan medısınalyq anyqtamalar, sondaı-aq qazaqstandyq medısınalyq mekemelerden jalǵan shaqyrýlary bar 42 sheteldik anyqtaldy.
Qazaqstandyq shekarashylar shekara arqyly zańsyz ótý arnalaryn jabý jáne kontrabandalyq júkterdi ótkizý boıynsha belsendi is-sharalardy jalǵastyrýda.
