О́ndiristi óńirdegi oń ózgerister

Jańa mektepke – Abaı esimi

Qasym-Jomart Toqaevtyń sapary oblys ortalyǵynda jańa­dan salynǵan 1200 oryndyq mektep-gımnazııany aralap kórý­­­den bastaldy. Bul jerde Pre­­zı­­­dent bilim ordasyndaǵy oqý-tár­bıe jumystarynyń uıy­m­­das­­tyrylýymen tanysyp, bas­­taýysh synyp oqýshylary oqı­tyn kezekshi synyptardy ara­lady.

Sonymen birge Memleket basshysyna zamanaýı quraldarmen jabdyqtalǵan kabınetter, STEM-zerthana, robot-tehnıka já­ne zııatkerlik bólmeler, mek­tep tele­­stý­dııasy men medıastýdııa kórse­tildi. Mektepte sabaqtan tys uıym­dastyrylatyn úıirme jumys­tary úshin ART-stýdııa jáne horeografııa zaly salynǵan. Jalpy, bul mektep – úsh aýysymda oqytý máselesin sheshýge ıgi yqpalyn tıgizetin nysan. Munda jaqyn jerlerdegi qazaq mek­tepterinen 900 oqýshy aýysty­rylǵan.

Qasym-Jomart Toqaev jańa mektep-gımnazııaǵa Abaı Qunan­baıulynyń esimin berý jónin­degi usynysty qoldaıtynyn málimdedi. Bilim uıasy uly aqyn ári oıshyldyń muralaryn zertteý, nasıhattaý ortalyǵyna aına­lady degen senim bar. Mek­tep bazasynda qalalyq qana emes, oblystyq is-sharalar da ótki­zip turýǵa arnalǵan 700 oryn­dyq akt zal bar. Onyń ishi Abaı shyǵarmashylyǵymen bezen­di­rilgen.

Prezıdent oblysta pandemııa kezindegi oqý úderisiniń qalaı uıym­dastyrylyp jatqanyna qyzyǵýshylyq tanytty. Qazirgi tań­da óńirdegi 504 mektepte 204 myń shákirt, sonyń ishinde, birinshi synyptyń 22 myń oqý­shysy bilim alyp jatqany habarlandy. Sondaı-aq óńirdegi oqý­shy sany 300-den aspaıtyn 279 mektep shtattyq rejimde jumys isteıdi. Mundaı bilim mekemelerinde 29 myńǵa jýyq oqýshy oqyp júr. Bastaýysh jáne besinshi synyp oqýshylary úshin 6166 kezekshi synyp uıym­das­tyrylǵan. Bul synyptarda 77 myńnan astam bala oqyp jatyr. Aıta ketetin bir jaıt, bilim berý mekemeleriniń bárinde  sanı­tar­lyq rejim barynsha kúsheıtilgen.

Sport – myqty densaýlyq kepili

Qazaqstan Prezıdenti Qara­ǵandy qalasyndaǵy jańadan sa­lynǵan tennıs ortalyǵynyń jumy­symen tanysty. Ortalyqta bir mezgilde 650 bala jattyǵa alady.

Nysannyń ınfraqurylymy álemniń eń ozyq standarttaryna saı keledi. Munda 11 kort bar, onyń 7-ýi – jabyq. Sonymen qatar jalpy jáne arnaıy dene shy­­nyqtyrý jumystaryna arnal­ǵan zaldar bar.

Qasym-Jomart Toqaevqa orta­lyqtyń tehnıkalyq jabdyqtalýy týraly egjeı-tegjeıli baıandaldy. Atap aıtqanda, ortalyqta ATP/WTA Challenger deńgeıindegi álemniń úzdik 100 oıynshysy qatysatyn halyqaralyq jáne respýblıkalyq tennıs jarysta­ryn ótkizýge, sondaı-aq otan­dyq sportshylardyń kásibı sheber­ligin shyńdaýǵa múmkindik jasal­ǵan.

– Qala ómirindegi osyndaı mańyzdy nysannyń paıdalanýǵa beri­lýimen quttyqtaımyn. Biz qazir buqaralyq sportty damy-
týdy maqsat etip otyrmyz. Myna sport ortalyǵy barlyq bala­lar­dyń úlken tennıspen shuǵyl­da­nyp, densaýlyǵyn kúsheı­týge múmkindik beredi. Bul – kóp­­jaqty ári yńǵaıly nysan. Osy múmkindikti paıdalana oty­ryp, Qazaqstan tennıs federa­sııa­synyń prezıdenti Bolat Jámish­uly О́temuratovqa rıza­shyly­ǵymdy bildiremin, – dedi Memle­ket basshysy.

Ortalyqtyń jalpy kólemi 7,8 myń sharshy metrdi quraıdy. Onda májilis zaly men 2 kafeterıı jáne qonaqúı kesheni bar.

Shahar sharýashylyǵyn damy­týdyń úzdik álemdik tájirı­belerine sáıkes tennıs ortaly­ǵynyń aınalasyndaǵy 1,5 gektar aýmaq tolyǵymen abattandarylyp, kógaldandyrylǵan. Nysan qury­lysyna jeke ınvestorlar 2,4 mlrd teńge kólemindegi qarajat salǵan.

Qazaqstannyń tennıs federasııasy ortalyqty ádistemelik turǵydan qamtamasyz etip, opera­­sııalyq basqarý qyzmetin úıles­tiredi.

Sonymen qatar Qazaqstan Prezıdenti Ústel tennısi ortaly­ǵynyń jumysymen tanysty. Jańadan ashylǵan sport nysanynda 18 ústelge arnalǵan oıyn zaly, 9 tennıs ústeli ornalasqan jattyǵý zaly, medısına jáne massaj kabınetteri, jattyǵý zaly, ákimshilik ǵımaraty, tóre­shiler men bapkerlerdiń bólme­leri, májilis zaly men VIP-oryn­dar bar.

Zamanaýı ústel tennısi orta­lyǵynyń ashylýy oqý-jat­tyǵý jumystaryn sapaly ót­ki­zýdi qam­tamasyz etýge, son­daı-aq respýb­lıkalyq jáne halyq­aralyq deń­geı­degi jarystardy joǵary deń­­geıde ótkizýge múm­kin­dik beredi. Bul óz kezeginde el sport­­shy­lary­nyń sheberligin shyń­daýǵa yqpal etedi. Ortalyqta kúni­ne 400 adam ús­tel tennısin oınaı alady.

Memleket basshysy buqaralyq sportty damytýdyń, dene shy­nyq­tyrýmen jáne sportpen aınaly­satyn halyqtyń sanyn artty­rýdyń mańyzdylyǵyn atap ótti. Sonymen qatar Prezıdent atalǵan ortalyqtyń salaýatty ómir saltyn nasıhattaýǵa, aımaqtaǵy ús­tel tennısimen shuǵyldanatyn adamdardyń qataryn arttyrýǵa jáne ony damytýǵa zor yqpal etedi dep senim bildirdi.

– Bul tek jattyǵyp qana qoı­maı, halyqaralyq jarys ótkizýge barlyq jaǵdaı jasalǵan ádemi ortalyq eken. Ústel tennısi federa­sııasynyń prezıdenti Danııar Ábil­ǵazınge, Qaraǵandy obly­synyń ákimi Jeńis Qasym­bekke, Qazaqstan ústel tennısi qurama­synyń bas bapkeri Elmıra Álıe­vaǵa alǵys aıtqym keledi. Bo­la­shaqta úlken jeńiske jete­siz­der dep úmittenemin. Kóp jattyq­sańyzdar, jetistik te mol bolady, – dedi Qasym-Jomart Toqaev.

Ortalyq qurylysyna Qazaq­stan Respýblıkasynyń Ústel tennısi federasııasy 1 mlrd 950 mln teńge qarjy jumsaǵan.

Bıyl Qaraǵandy oblysynda 85 sport nysany paıdalanýǵa beriledi dep josparlanǵan.

Balama energııa – mańyzdy baǵyt

Prezıdent Qasym-Jomart Toqaev­tyń kelesi aıaldaǵan nysany «Saryarqa» arnaıy ekono­mı­kalyq aımaǵy boldy. Bul jerde oblys ákimi Jeńis Qasymbek arnaıy ekonomıkalyq aımaqtaǵy ınvestısııalyq jobalardyń júzege asyrylý barysy, turaqty jumys oryndaryn ashý, jeke já­ne sheteldik ınvestısııalardy tar­tý, sondaı-aq,  Qazaqstan men Ger­­­ma­nııanyń birlesken kásipor­ny­­nyń jumysy týraly baıandap berdi.

Sonymen birge Memleket basshysyna tehnıkalyq gaz óndirýmen aınalysatyn «LındeGaz Qazaq­stan» JShS-nyń, kún elektrostan­sııasy baǵytynda qyzmet etetin «QazSolar-50» JShS-nyń, jylý ótkizbeıtin qubyrlar óndiretin «Izoplıýs» JShS-nyń jáne sharly krandar shyǵaratyn «Bıomer Armatýra» JShS-nyń jetek­shileri óz zaýyttarynyń jumysy jáne ónim óndirý kólemin ulǵaıtý jónindegi josparlary jaıynda aqparat berdi. Budan bólek búkil álemde qalyptasqan ekono­mı­kalyq ahýaldy eskere otyryp, pandemııa kezindegi jumys jaǵ­daıy, bıznestiń áleýmet­tik jaýapkershiligi men qaıyrym­dylyq isteri týraly egjeı-tegjeıli baıandaldy.

Qasym-Jomart Toqaev «Qaz­solar-50» kompanııasynyń ókili­men áńgime barysynda jańar­ty­latyn energııa kózderine qa­tysty jobalardy júzege asyrýdyń mańyzdylyǵyna nazar aýdardy.

– Balama elektr energııasy baǵy­tyn qoldaımyn. Jol­daý­da bir­tindep kómirtek paıdala­nýdy azaıtý saıasatyn júrgizý kerek ekenin aıttym. Bul baǵyt­tyń bo­lashaǵy zor. Búkil álem atal­ǵan baǵytta damyp jatyr. Men Ger­manııaǵa barǵanymda osy taqy­rypta nemis kom­pa­nııa­la­ryn­yń je­tek­shilerimen sóıles­tim. Jalpy, olarmen yntymaq­tas­tyqqa n­a­zar aýdarý kerek dep sanaımyn. Kún elektr energııasy bola­shaqta birqatar problemany sheshe alatyn qýatty kózge aınalady. Ol sonysymen tartymdy, – dedi Prezıdent.

Sodan keıin Prezıdent kana­dalyq zamanaýı tehnologııa bo­ıyn­sha jylyna jezden jasal­ǵan 30 mln buıym shy­ǵa­ra­tyn Steel Manufacturing JShS-nyń óndiris aýmaǵyn aralap kórdi.

Daıyn ónim shetelderge eksporttalady

Sapar barysynda Prezıdent Qaraǵandydaǵy YDD COR­PO­RATION JShS-nyń ferro­qo­rytpa zaýytynda bolyp, on­daǵy bolat, shoıyn qorytý kezinde me­tal­­­dardyń mehanı­ka­lyq jáne kor­ro­zııalyq tózim­diligin jaq­­­sartý úshin qoldanylatyn joǵa­ry sapaly ferrosılısııa (FeSi75) ón­di­risimen tanysty.

Búgingi kúnde tabysty jumys istep turǵan zaýytta Memleket basshysyna óndiris prosesi men óndi­riste, qurylysta, keme, áýe kólik­terin jáne avtomobıl ja­saý­­­da qoldanylatyn daıyn ónim­der kórsetildi.

Kásiporynnyń aksıonerleri E.Nyǵmatýlın, A.Kemertelıdze jáne J.Appaz atalǵan jobanyń jergilikti jáne jahandyq sura­nys­ty qamtamasyz etetinin aıtty. Atap aıtqanda, munda óndirilgen ferro­sılısııa Qazaqstannan bó­lek, Eý­ropa, Ońtústik-Shyǵys Azııa, Sol­tústik jáne Ońtústik Amerı­ka elderiniń naryǵyna shyǵary­lady.

Atalǵan zaýyttyń qýat­ty­lyǵy jylyna 180 myń tonna ónim óndirýge jetedi. Onda qol­da­ny­latyn tehnologııa ferrosılısııa men ferromarganes óndirýge múmkindik beredi. Jobadaǵy otan­dyq ónimniń úlesi 95 paıyzdan asady.

Kásiporynnyń ónimi sapasy jaǵynan eń joǵary álem­dik talapqa saı keledi. Pandemııa kezinde kompanııa ónimniń satylý aýmaǵyn 15 elge arttyryp, Qazaq­stannyń eksporttyq áleýe­tin kóterýge úles qosty. Qazirgi tańda zaýyt óz ónimin álemniń 37 eline eksporttaıdy.

Kompanııa COVID-19 pande­mııasynyń birinshi tolqyny kezinde jumys kestesin vahtalyq ádiske kóshirip, barlyq qajetti jaǵdaı jasaǵanynyń arqasynda qazirgi óndiris kólemin saqtap qaldy.

Sonymen qatar Prezıdent óndiristi basqarý ortalyǵyn aralap kórip, Qaz Qarbon JShS-nyń jańa jobasymen tanysty.

– Bul óte qajetti jáne jaqsy joba. Qutty bolsyn. Qazaqstandy ındýstrııalandyrýǵa qomaqty úles qosqanyn aıtpaǵannyń ózin­de, el ekonomıkasynyń mańyz­­­dy aktıvi sanalady. О́ndi­ris­ti jyl­dam kórip shyqtyq. Biraq bu­ǵan qatysty úlken josparla­rymyz bar. Baqylap, kómekte­sip otyramyz, – dedi Memleket basshysy.

Kásiporyn jumysyna rıza­shy­lyq bildirgen Prezıdent eńbek ujymyna tabys tiledi.

Qaraǵandy oblysyna jasaǵan jumys saparyn Memleket basshysy «ArselorMıttal Temirtaý» AQ-nyń metallýrgııa kombına­tynda túıindep, alpaýyt kásip­­oryndaǵy myryshpen jáne alıý­mınıımen qaptaý sehynyń jumy­symen tanysty.

Metallýrgııadaǵy kóshbasshy kásiporyn

Bul sehta myryshpen qap­tal­ǵan oramdy jáne tabaqsha ónim­derin óndiriledi. Onyń jalpy óndiristik qýaty jylyna 700 myń tonna ónim shyǵarýǵa jetedi.

Kásiporynnyń atqarýshy dırek­tory Vadım Basın Prezı­dentke óndiris prosesin uıym­das­tyrý jáne jabdyqtaý jumy­synyń qaǵıdalary týraly aıtyp bergen soń, Memleket basshysy sehtyń daıyn ónimderi men jumys júktemesin qarap kórdi.

«ArselorMıttal Temirtaý» AQ bas dırektory Naır Bıd­jý Memleket basshysyna kásip­oryndy odan ári damytý perspektıvasy, jańa koks batareıa­sy qurylysynyń jospary, ekolo­gııalyq qaldyqtardy azaıtý jó­ninde qabyldanyp jatqan sharalar jaıynda málimet berdi.

Kásiporyndaǵy eńbek ujy­my­men kezdesý barysynda Qasym-Jomart Toqaev kásiporynnyń qa­zaq­­standyq metallýrgııadaǵy kósh­­basshy kásiporyn ekenin atap ótti.

– Munda Qazaqstannyń Tuń­ǵysh Prezıdenti Nursultan Ábishuly Nazarbaev óziniń eńbek jolyn bastaǵan. Biz óndiris qýa­tyn arttyrýdy maqsat etip otyr­myz. Maǵan jańa ınvestısııa­lyq jobalar, óndiristi jań­ǵyr­tý, áleýmettik jaǵdaıdy jaq­sar­tý jaıynda baıandady. Kásip­oryn­nyń aldynda turǵan mindetter az emes. Sondyqtan ony retine qaraı sheshý kerek. Ol jaıynda buǵan de­ıin Premer-Mınıstrmen sóı­les­tim. Jańa oblys ákimimen de bir­­qa­tar máseleni talqyladyq. Bar­­lyq máseleni aqyryndap she­shý qajet, – dedi Qazaqstan Prezı­denti.

Kezdesýdiń sońynda Qasym-Jomart Toqaev metallýrgııa zaýy­tynyń eńbek ujymyna jumys­taryna tabys tiledi.

Qaraǵandy oblysy