«О́KM Operatory» JShS málimetine súıensek, tórt jyl ishinde tozyǵy jetken tehnıkalardy ótkizgen qazaqstandyqtarǵa 14 mlrd teńgeden astam qarjy tólengen.
Sertıfıkat baǵdarlamasy boıynsha 54 635 avtokólik qabyldanǵan. Nátıjesinde, otandyq óndirýshilerden 28 141 sý jańa avtokólik satyp alyndy.
Atap óterligi, bıyl eski kólikti tapsyrǵandarǵa beriletin ótemaqy kólemi aılyq eseptik kórsetkishke baılanysty ósirildi. Maýsym aıynan bastap jeńil kólik tapsyrǵandarǵa beriletin ótemaqy 150 myńnan 200 myń teńgege (72 AEK) deıin ulǵaıdy.
2020 jyldyń 2 qarashasynan bastap «О́KM Operatory» JShS tozyǵy jetken aýylsharýashylyq tehnıkasyn qaıta óńdeýge qabyldaýdyń qanatqaqty baǵdarlamasyn iske qosty. Baǵdarlama aıasynda agrotehnıkany tapsyrýshylarǵa 560 myńnan 2 mln teńge aralyǵyndaǵy jeńildik sertıfıkatyn berýdi bastady.
Jańa baǵdarlama iske qosylǵannan beri 47 aýylsharýashylyq tehnıkasy qabyldandy. Onyń 33-i – traktor, 14-i – kombaın. Jyl sońyna deıin aýylsharýashylyq tehnıkasyn qabyldaýǵa 120 kvota (100 traktor jáne 20 kombaın) qarastyrylǵan.
Eski kólikterdi joıý baǵdarlamasy boıynsha aımaqtardan jınalǵan mashınalar Qaraǵandy oblysyndaǵy zaýytqa jetkiziledi. Isten shyqqan kólik quraldary sol jerde qaıta óńdeledi. Qazirgi tańda zaýyt 146 705 kólikti qaıta óńdedi.
