О́ńir basshysy Berdibek Saparbaevtyń bastamasymen aýdan jáne qala ákimderi oblys ortalyǵynda bilim alyp jatqan stýdenttermen kezdesip, olardy kindik qany tamǵan aýylda qyzmet etýge shaqyrmaq. Jaqynda bul bastamanyń tusaýyn Sársen Amanjolov atyndaǵy Shyǵys Qazaqstan memlekettik ýnıversıtetiniń oqý ǵımaratynda Zaısan aýdanynyń ákimi Almas Ońdaqanov kesti. Oǵan oqý ozattary, belsendi jastar, túrli zııatkerlik olımpıadalar men jarystardyń júldegerleri, О́skemen qalasyndaǵy joǵary oqý oryndarynda bilim alyp jatqan eń úzdik 445 stýdent qatysty.
О́ńir basshysy Berdibek Saparbaevtyń bastamasymen aýdan jáne qala ákimderi oblys ortalyǵynda bilim alyp jatqan stýdenttermen kezdesip, olardy kindik qany tamǵan aýylda qyzmet etýge shaqyrmaq. Jaqynda bul bastamanyń tusaýyn Sársen Amanjolov atyndaǵy Shyǵys Qazaqstan memlekettik ýnıversıtetiniń oqý ǵımaratynda Zaısan aýdanynyń ákimi Almas Ońdaqanov kesti. Oǵan oqý ozattary, belsendi jastar, túrli zııatkerlik olımpıadalar men jarystardyń júldegerleri, О́skemen qalasyndaǵy joǵary oqý oryndarynda bilim alyp jatqan eń úzdik 445 stýdent qatysty.
Alǵashqy sóz kezegin alǵan aýdan ákimi Almas Ońdaqanov aýdannyń áleýmettik-ekonomıkalyq damýy, demografııalyq jaǵdaıy jastardyń qolynda ekendigine toqtaldy. Bir sózben aıtqanda, stýdent jastardy óz mamandyqtary boıynsha bilim alyp, joǵary oqý ornyn támamdaǵannan keıin týǵan jerlerine qyzmet etýge shaqyrdy. Sonymen qatar, kezdesýge Zaısan aýdanynda týǵan tanymal jerlester qatysty. Oblystyq «Rýdnyı Altaı», «Dıdar» gazetteriniń tilshileri Shákerhan Ázmuhanbetov, Dáýren Allabergen, «О́skemen medısınalyq kolledji» memlekettik qazynalyq kommýnaldyq mekemesiniń dırektory Rıshat Qojaseıtov, Sambo kúresi boıynsha Qazaqstan Respýblıkasynyń eńbek sińirgen jattyqtyrýshysy Janádil Ataev, respýblıkaǵa áıgili ánshi, sazger Arystanbek Kákeev sekildi tanymal aǵa býyn ókilderi boldy. 140-qa taıaý Álem chempıondaryn, Olımpıada oıyndarynyń júldegerlerin daıyndaǵan ataqty bapker Janádil Ataev stýdentterdiń týǵan eline baryp qyzmet etýi jaqsy bastama, olarǵa turǵyn úı, basqa da áleýmettik jaǵdaılardy jasaý aýdan ákimine baılanysty ekenine toqtala ketti.
Shyǵys Qazaqstan memlekettik ýnıversıtetiniń prorektory Baýyrjan Erdembekov ár saladaǵy bilikti de bilgir mamandardy ýnıversıtet qabyrǵasynda joǵary deńgeıde daıarlap, Zaısan aýdanyna qyzmet etýge jiberýge daıyn ekendikterin aıtty. Kezdesý barysynda aýdan ákimine ártúrli fakýltetterdiń stýdentteri, kafedra meńgerýshileri saýaldar qoıyp, oı bólisti.
Kezdesý sazdy da ásem áýezdi shaǵyn merekelik konsertke ulasty.
Ońdasyn ELÝBAI,
«Egemen Qazaqstan».
О́SKEMEN.
