"Nur Otan" partııasynyń kezekten tys XX Sezi kúrdeli ári mańyzdy kezeńde ótip otyr. Bul memleketimizdiń qoǵamdyq-saıası ómirindegi aıtýly oqıǵa. Búginde "Nur Otan" partııasy el taǵdyryna jaýapty eń basty saıası kúshke aınalyp otyr. Halqymyz bizge qashanda zor senim artady. Ásirese jahandyq daǵdarys kezinde el amanatyna erekshe kóńil bólýimiz kerek. Búkil álemge taraǵan pandemııa Qazaqstanǵa da ońaı tıgen joq. Memleket azamattarymyzdyń densaýlyǵyn qorǵaý úshin barlyq qajetti sharalardy qabyldap jatyr",- dedi Q.Toqaev.
Budan soń, Memleket basshysy partııa tarapynan halyqqa turaqty qoldaý kórsetilip kele jatqanyn atap ótti.
"Naqty jumys pen janashyrlyq bereke-birligimizdi arttyra túsedi. Qazaqstan qazirgi ahýalǵa qaramastan strategııalyq damý maqsattaryn dáıekti túrde iske asyrady. Bul rette Elbasy saıasatynyń sabaqtastyǵyn qamtamasyz etý negizgi mindettiń biri. Men bıylǵy Joldaýymda partııanyń qoǵamdaǵy jetekshi róli týraly aıttym. Biz reformalardy júzege asyrý barysynda "Nur Otan" partııasynyń zor áleýetine súıenemiz",- dedi Prezıdent.
