Partııalyq tizim 126 kandıdattan turady. Olardyń ishinde 77 kandıdat partııaishilik praımerız qorytyndysy, al 49 adam ortalyq partııalyq kvota boıynsha anyqtaldy. Kandıdattardyń jalpy tiziminde Parlament Májilisiniń qyzmettegi depýtattary 20%-ten aspaıdy, memlekettik basqarý salasynyń ókilderi - 13%, bilim jáne densaýlyq saqtaý salasy – 12%, úkimettik emes uıymdar – 9% jáne ónerkásip – 8% boldy. Sondaı-aq, ekonomıster – 28%, zańgerler – 20%, kásipkerler – 17%.
Al 21 úmitkerdiń ǵylymı dárejesi bar, onyń ishinde 10-y – ǵylym doktory, 11-i – ǵylym kandıdaty. Tizimniń úshten biri – áıelder. Kandıdattardyń ortasha jasy burynǵy partııalyq tizimdermen salystyrǵanda 4 jylǵa tómendep, 48 jas boldy.
Kandıdattardyń qatarynda Darıǵa Nazarbaeva, Úkimet basshysy Asqar Mamın, «Nur Otan» partııasy Tóraǵasynyń Birinshi orynbasary Baýyrjan Baıbek, «Samuryq-Qazyna» Ulttyq ál-aýqat qory» AQ Basqarmasynyń tóraǵasy Ahmetjan Esim, májilistiń qazirgi spıkeri Nurlan Nyǵmatýllın syndy tanymal azamattar bar.
