Aqtóbe oblysy boıynsha QAJ departamentine qarasty Temir aýdandyq probasııa qyzmeti “Atameken” QR UKP-nyń “Bıznes bastaý” jobasy boıynsha jyl basynan bastap, probasııa esebinde turǵan tórt sottalǵan azamatty kásipkerlik negizderinde bilimin jetildirýge arnalǵan tegin oqý kýrstaryna joldady.
Kúni búgin sottalǵandardyń bireýi oqýyn jalǵastyryp keletin bolsa, qalǵan úsh sottalǵan “Bıznes bastaý” jobasy boıynsha oqý kýrsyn sátti aıaqtap, sertıfıkatqa qol jetkizip, mal sharýashylyǵyn damytyp otyr.
"Onlaın kýrsy nátıjesinde, bir sottalǵan 555 myń teńge kólemindegi qaıtarymsyz nesıe utyp, oǵan 14 bas usaq mal satyp alsa, ekinshi sottalǵan 2,5 mln teńge kóleminde utyp alǵan shaǵyn nesıege iri qara mal satyp alyp, mal basyn kóbeıtip otyr. Úshinshi sottalǵan 555 myń teńge kólemindegi qaıtarymsyz nesıege mal soıatyn qural-jabdyq pen iri qara malyn satyp alyp, kásibin dóńgeletip otyr. Probasııa qyzmetkerlerimen sottalǵan azamattarǵa kórsetiletin osyndaı is-sharalar olardyń kásibin damyta otyryp, otbasylaryn asyraýǵa jáne qoǵamǵa tez beıimdelip, túzý jolǵa túsýlerine yqpalyn tıgizetinine senimdimiz", – deıdi Temir aýdandyq probasııa qyzmetiniń aǵa ınspektory Hamzat Otarbaev.
