Is-sharaǵa Qazaqstan azamattyq Alıansynyń prezıdenti Baný Nurǵazıeva, QR AShM AО́K memlekettik ınspeksııa komıtetiniń tóraǵasy Almabek Mars jáne QR AShM Veterınarııalyq baqylaý jáne qadaǵalaý komıteti tóraǵasynyń mindetin atqarýshy Gúljan Nurtazına qatysty.
Kezdesý barysynda QR AShM basshysy qatysýshylardan aýyl sharýashylyǵy ónimderin eksporttaý salasyndaǵy jetistikterdi, túıitkildi máselelerdi jáne olardy sheshýdiń tıimdi joldaryn talqylaýǵa shaqyrdy.
Sondaı-aq, mınıstr AО́K ónimderin, onyń ishinde qaıta óńdelgen ónimderdi eksporttaý salasyndaǵy aǵymdaǵy jaǵdaıdy atap ótti.
Saparhan Omarovtyń málimetinshe, 2019 jyly AО́K ónimderiniń eksporty $3,3 mlrd. AQSh dollaryn qurap, bul 2015 jylmen salystyrǵanda 1,6 esege artty. AО́K óńdelgen óniminiń eksporty bes jyl ishinde 1,2 ese – $1,1 mlrd. AQSh dollaryna deıin ulǵaıdy.
Aǵymdaǵy jyldyń 9 aıynda Qazaqstan shetelge aýyl sharýashylyǵy ónimin $2,1 mlrd. AQSh dollarǵa, al óńdelgen ónimdi – $892 mln. AQSh dollaryna deıin saýdalady.
"Jańa ótkizý naryqtaryn ashý úshin ımporttaýshy elderdiń fıtosanıtarııalyq jáne veterınarııalyq talaptarynan ótý, jetkizýshilerdiń sheteldik tizimderindegi qazaqstandyq kásiporyndardyń tizbesin keńeıtý boıynsha josparly jumys júrgizilýde. Bul tizimderge qazirdiń ózinde 3182 qazaqstandyq kásiporyn engizilgen. Sheteldik tizimderdegi kásiporyndar sanyn kóbeıtýdi QR veterınarlyq jáne fıtosanıtarlyq qyzmetiniń kepildigi esebinen josparlap otyrmyz", - dedi S.Omarov.
Sondaı-aq S.Omarov QR AShM turaqty túrde eksportqa ruqsat berý qujattaryn resimdeý merzimderine, shet memleketterdiń ýákiletti uıymdary qoıatyn ákimshilik kedergilerge monıtorıng jáne baqylaý júrgizetinin aıtty.
Jıyn barysynda A.Mars jáne G. Nurtazına mal sharýashylyǵy men ósimdik sharýashylyǵy ónimderiniń eksporty týraly qosymsha aqparat berdi.
Kezdesýge qatysýshylar múddeli mınıstrlik ókilderine suraqtaryn qoıyp AО́K-degi eksporttyq saıasatty jańǵyrtý taqyryby boıynsha pikir almasyp, usynystaryn ortaǵa saldy. Onlaın kezdesý sońynda Saparhan Omarov barlyq usynystardy QR Aýyl sharýashylyǵy mınıstrliginiń basshylyǵy men qyzmetkerleri nazarǵa alatynyn atap ótti.
