О́ńirlik kommýnıkasııalar qyzmeti alańynda ótken onlaın-brıfıng barysynda «Almaty» Áleýmettik-kásipkerlik korporasııasy» AQ Basqarma Tóraǵasy Asqar Bilisbekov atap ótkendeı, Qazaqstanda áleýmettik-kásipkerlik korporasııa alǵash ret ınvestısııalyq sanattaǵy halyqaralyq kredıttik reıtıngke ıe bolyp otyr.
«Bul reıtıng kredıt tóleý qabiletiniń jaqsy ekendigin, nesıeler boıynsha tómen boljamdardy, qarjylyq mindettemelerdi ýaqtyly óteý múmkindigi dálme-dál baǵalanatyndyǵyn bildiredi. ÁKK-nyń odan keıingi damý kezeńderi jáne ósý núkteleri – oblıgasııalyq qaryzdardyń syrtqy kapıtal naryǵyna shyǵarylýy», - dep atap ótti A. Bilisbekov.
Onyń aıtýynsha, Fitch Almaty ÁKK-niń reıtıngisin memleketpen baılanysty kompanııalardyń reıtıngisi ádisnamasy negizinde baǵalady, óıtkeni ÁKK Almaty qalasy ákimdiginiń menshiginde jáne óz qyzmetin júzege asyrý úshin qalalyq bıýdjetten qarjylandyrylady.
Mysaly, 2015-2020 jyldary Almaty ÁKK qalalyq azyq-túlik qaýipsizdigi qoryn qarjylandyrý jáne áleýmettik mańyzy bar azyq-túlik taýarlarynyń baǵasyn turaqtandyrý úshin 46 mlrd.teńge somasynda jeńildetilgen nesıeler aldy.
Almatyda áleýmettik mańyzy bar azyq-túlik taýarlarynyń baǵasyn turaqtandyrý máselesi erekshe baqylaýda. Almaty ÁKK baǵany ustap turýynyń basty tetikteri:
- turaqtandyrý qorynan azyq-túlik ıntervensııasy;
- jeńildetilgen qaryz berý arqyly kásipkerlik sýbektilerin (saýda jelileri, iri jetkizýshiler) tartý;
- demalys kúnderi jármeńkeler men 28 saýda pavılondarynyń qyzmeti halyqqa ÁMAT-yn ortasha naryqtyq baǵadan tómen baǵamen usynady.
