Janýarlar dúnıesin qorǵaý jónindegi memlekettik ınspektorlardyń negizgi qyzmeti – janýarlar dúnıesin, onyń tirshilik etý ortasy men bıologııalyq ártúrliligin saqtaýǵa jáne kóbeıtýge, sondaı-aq tabıǵat qorǵaý zańnamasyn buljytpaı oryndaýǵa baǵyttalǵan. Kókshe qysynyń keı jyldary aıazdy, sýyq bolatyny málim. Qar qalyń túsken jyldary qoradaǵy mal ǵana emes, daladaǵy ań-qus ta shyǵynǵa ushyraýy kádik.
Qysqa muqııat daıyndalǵan ujym bıyl 258 tonna shóp, 243 myń dana sypyrǵysh daıyndady. Ańdar alańsyz azyqtanýy úshin 24 dana ottyq qoıyldy. Qustardyń qorektený alańdary jasaqtaldy. Jemshóppen birge ań aǵzasyna qýat beretin qosymsha azyqtar da qamtyldy.
Eger qar qalyń jaýsa, azyqtandyrý alańdaryn ýaqtyly tazartyp otyrmaq. Ien dalanyń kórki sandaǵan ań-qustyń qys synaǵynan qysylmaı shyǵýyn qamtamasyz etetin ulttyq parktiń qyzmetkerleri alǵashqy qar túskennen beri ań-qusqa abaı bolyp júr.
Aqmola oblysy
