О́ńirde áleýmettik mańyzy bar azyq-túlik taýarlarynyń baǵasyn turaqtandyrý qolǵa alynyp otyr. Osyǵan oraı turaqtandyrý qoryna 361 tonna kartop, 80 tonna pııaz, 50 tonna sábiz, 114 tonna qyryqqabat satyp alyndy.
«Bıyl «Felıks» sharýa qojalyǵymen 605 tonna kókónis jetkizýge forvardtyq kelisim-shart jasaǵan edik. Soǵan sáıkes jetkizilgen ónim sharýa qojalyǵynyń jeke qoımasynda saqtalady. Al turaqtandyrý qory arqyly satylatyn kókónis baǵasy ótken jylǵy deńgeıde qalady», - deıdi «Atyraý» ÁKK» AQ memlekettik baǵdarlamalardy iske asyrý jáne MJÁ jobalaryn saraptaý departamentiniń basshysy Gúlmıra Meńdiǵalıeva.
Onyń aıtýynsha, kókónis tutynýda tapshylyq baıqalyp otyrǵan joq. Baǵanyń ósimine jol berilmegen. Endi turaqtandyrý qoryndaǵy kókónister jeltoqsanda tórt saýda núktesinde bekitilgen baǵamen satyla bastaıdy.
