Bul isti kásipker Mahmýt Meralıev qolǵa aldy. Oǵan pandemııanyń birinshi tolqynynda medısınalyq maskanyń tapshylyǵy sebep bolypty. Onyń jobasy Úkimet tarapynan qoldaý taýyp otyr. Endi medısınalyq maskanyń alǵashqy partııasy Táýelsizdik kúni qarsańynda satylymǵa túsedi.
«Qazir «Doktor Haýs» JShS-de 20 adam jumys isteıdi. Bir rettik medısınalyq maska toqylmaǵan materıaldan jasalady. Ony paıdalaný ýaqyty – 2 saǵat. Eresekterge arnalǵan úsh qabaty bar medısınalyq maskanynyń jylyna 30 mln danasyn shyǵarýdy kózdep otyrmyz» deıdi zaýyttyń bas ınjeneri Muhtar Mahmetov.
Onyń aıtýynsha, bolashaqta balalarǵa arnalǵan maska da shyǵarylady.
