Investısııalar jáne kásipkerlikti damytý basqarmasy, aýdan ákimdikteri men sanıtarlyq epıdemıologııalyq qadaǵalaý departamenti ókilderi birqatar iri saýda nysandarynda - «Jannur» saýda úıinde, «Ásem» bazarynda, «Kerýen», «Azııa Park» saýda oıyn-saýyq ortalyqtary jáne t.b. monıtorıng júrgizdi.
«Monıtorıng kórsetkendeı, barlyq nysandar senbi kúni jumys isteýge daıyn, olar bas sanıtarlyq dárigerdiń barlyq qajetti talaptaryn oryndaǵan», - dedi ınvestısııalar jáne kásipkerlikti damytý basqarmasy basshysy Rýslan Ydyrysov.
Esterińizge sala keteıik, jańa qaýlyǵa sáıkes, elordadaǵy saýda úıleri, saýda jáne oıyn-saýyq ortalyqtary da senbide saǵat 09: 00-den 20: 00-ge deıin jumys isteıtin bolady. Jeksenbi kúnderi jumys jasaýǵa tyıym salý saqtalady. Kelýshiler maska taǵýy, áleýmettik qashyqtyq saqtaýy, termometrııa, antıseptıkter men sanıtaızer qoldaný mindetti.
«Eger mobıldi toptar saýda oıyn-saýyq ortalyqtarynda shekteý sharalary men karantın talaptary buzylǵanyn anyqtasa, onda ruqsat alynyp tastalady jáne olar senbide jumys istemeıdi. Kelýshiler maska taǵýy kerek, termometrııa qajet, zaldarda - antıseptıkter, sanıtaızerler bolýy tıis. Ár býtıkte qashyqtyq saqtalýy, ár adamǵa tórt sharshy metr bólinýi kerek. Kelýshiler sany 30% -dan aspaýy qajet», - dedi Baıqońyr aýdandyq taýarlar men kórsetiletin qyzmetter sapasy men qaýipsizdigin baqylaý basqarmasy basshysynyń orynbasary Saltanat Iklasova.
Saýda oryndarynda ornalasqan sulýlyq salondaryna, atelelerge, hımııalyq tazartý oryndaryna, shashtarazdarǵa, aıaq kıim jóndeý sheberhanalaryna jańa keste engizildi. Atalǵan kásipkerlik sýbektileri barlyq sanıtarlyq erejelerdi qatań saqtaı otyryp, senbi men jeksenbi kúnderi 09: 00-den 20: 00-ge deıin jumys isteı alady.
