Fılmde Elbasy oblys mártebesine ıe bolǵan Túrkistan qalasynyń qaıta jańǵyrýy, tarıhı sheshimniń máni men mańyzy, kóne shahardyń týrıstik áleýeti men halyqaralyq arenadaǵy bedeli, qalanyń keleshek josparlary týraly jan-jaqty baıandaıdy.
Sonymen qosa N.Nazarbaev telearnaǵa bergen suhbatynda Túrkistannyń Ortalyq Azııadaǵy jáne túrki álemindegi orny, «Túrki áleminiń kıeli jerleri» jobasy, «Kerýen-saraı» kópfýnksıonaldyq týrıstik kesheniniń áleýeti, qala aýmaǵyn kógaldandyrý jáne Túrkistan qalasyn túrki áleminiń mádenı-rýhanı ortalyǵy retinde damytý jobalarynyń nátıjesi men olardyń azamattardyń ál-aýqatyn jaqsartýdaǵy yqpaly týraly týraly aıtady.
Derekti týyndy «Qazaqstan» arnasynan 1 jeltoqsan saǵat 20:00-de efırge shyǵady.
