Kıeli Túrkistannan tasyn túrtse tarıhy sóıleıtin Taraz qalasyna at basyn burǵan ekspedısııa toby XI-XII ǵasyrlardaǵy sáýlet óneri eskertkishteriniń jaýhary, ańyzdarǵa súıensek Qoja Ahmet Iаsaýıdiń janazasyn oqyǵan qasıetti Qarabýranyń urpaǵy Aısha bıbi jáne onyń senimdi serigi Babadja hatýn kesenelerine baryp, tarıhymen tanysty.
Sapar barysynda ǵalymdar men zertteýshilerdiń nazaryn ózine aýdarǵan syry men jumbaǵy kóp Aqyrtas saraı keshenin aralaǵan ekspedısııa músheleri tájirıbe almasý maqsatynda «Ejelgi Taraz eskertkishteri» memlekettik tarıhı-mádenı qoryq-mýzeıinde atqarylyp jatqan jumystarmen tanysyp, mamandarmen pikir almasty.
Osy oraıda, ujym qyzmetkerleri Jambyl oblysy aýmaǵynda arnaıy kezdesýler uıymdastyryp, «Áziret Sultan» memlekettik tarıhı-mádenı qoryq-mýzeıiniń Jambyl oblysyna baǵyttalǵan saparynyń maqsaty men qoryq-mýzeıdiń rýhanı jańǵyrý jolyndaǵy tarıhı izdenisteri men atqarǵan jumystary jaıly málimdedi.
Jıyn aıasynda «Áziret Sultan» memlekettik tarıhı-mádenı qoryq-mýzeıiniń dırektory N.Ahmetjanov pen «Ejelgi Taraz eskertkishteri» tarıhı-mádenı qoryq-mýzeıiniń dırektory N.Byqybaev ujymaralyq baılanysty nyǵaıtý, tájirıbe almasýdy jandandyrý týraly birqatar máselelerdi birlesip sheshýge ýaǵdalasty.
Joǵarydaǵy sapar «Kóne Taraz» qalashyǵy men ejelgi Taraz qalasynyń batys aýmaǵynda ornalasqan dinı memorıaldyq keshender – ortaǵasyrlyq Qarahan jáne Dáýitbek keseneleri jaıly tarıhı derektermen tanysýǵa ulasty.
«Aıta ketsek, túrki áleminiń tulǵasy Qoja Ahmet Iаsaýıdiń tarıhyn túgendeý, balalyq shaǵynan bastap shákirtteri men zamandastaryna deıingi tolyqqandy málimetterdi toptastyrý, tyń derekter izdeý maqsatynda uıymdastyrylǵan ekspedısııa aldaǵy ýaqytta Iаsaýıdiń ustazdary men Qazaqstandaǵy jáne 100-ge jýyq elge taralǵan shákirtteri jaıly zertteý jumystary ári qaraı jalǵasyn tabady» deıdi «Áziret Sultan» memlekettik tarıhı-mádenı qoryq-mýzeıiniń baspasóz qyzmeti.
SÝRETTERDE: Aısha bıbi kesenesi men Aqyrtas qurylys kesheni
