Aımaqtar • 30 Qarasha, 2020

Atyraýda Tuńǵysh Prezıdent kúnine arnalǵan ekskýrsııalyq sabaq ótti

194 ret

kórsetildi

1 mın

oqý úshin

Oblystyq tarıhı-ólketaný mýzeıinde Tuńǵysh Prezıdentke arnalǵan ekspozısııa bar. Onda Tuńǵysh Prezıdent-Elbasy Nursultan Nazarbaevtyń memleket basqarý, táýelsiz Qazaqstandy álem tanyǵan el retinde qalyptastyrý kezeńindegi qaıratkerligi, eren eńbegi týraly tarıhı, derekti qujattar túrindegi qundy jádigerler qoıylǵan. Oblystyq polısııa departamentiniń jas mamandary atalǵan mýzeıde uıymdastyrylǵan ekskýrsııalyq sabaqqa qatysty, dep habarlaıdy Egemen.kz.

Joldasbek KО́ShERBAIULY

Atyraýda Tuńǵysh Prezıdent kúnine arnalǵan ekskýrsııalyq sabaq ótti

"Tuńǵysh Prezıdent kúnine oraı ótken sharanyń basty maqsaty – jas mamandardy patrıotızmge, jaýapkershilikke, bastamashyldyqqa tárbıeleý. Osy oraıda Ult Kóshbasshysy Nursultan Nazarbaevtyń joǵary adamgershilik qasıeti, memleketshildigi men tabandylyǵy ár jasqa úlgi-ónege aınalary daýsyz. Táýelsiz Qazaqstannyń áleýmettik-ekonomıkalyq, quqyqtyq turǵyda órkendeýine úles qosqysy keletin ár qyzmetkerdiń boıynan osyndaı qasıetter tabylatyn jatsa, elimizdiń bolashaǵy búgingiden jarqyn bolary anyq", deıdi departament bastyǵynyń orynbasary, polısııa podpolkovnıgi Ádilhan Baıdosov.

Onyń aıtýynsha, ekskýrsııalyq sabaq barysynda Tuńǵysh Prezıdent-Elbasy Nursultan Nazarbaevtyń ómiri men qyzmetine, saıasatkerligine arnalǵan ekspozısııa tanystyryldy. Álemdik deńgeıdegi memleket qaıratkeriniń elimizdiń damýyna sińirgen eńbegi týraly keńinen aıtyldy.