"Elordada shetkeri aı̆maqta 1 jeltoqsan – Tuńǵysh Prezıdent kúni qarsańynda eko mektep ashyldy. Mıchýrıno eldi-mekeninde buryn oqý orny bolmaǵan, mektep oqýshylary men muǵalimder mektepke beı̆imdelgen úı̆ – jaı̆da oqyǵan. Mekeme shaǵyn bolǵandyqtan, sabaqtar úsh aýysymda ótti. Endi oqýshylar úsh qabatty keń ǵımaratta bilim alady. Pedagogtardyń turǵyn úı̆ jaǵdaı̆yn jaqsartý úshin burynǵy úı̆-jaı̆dy jataqhanaǵa qaı̆ta jabdyqtap, balalarǵa arnalǵan úı̆irmeler ashýdy josparlap otyrmyz.
Jańa mektepte ekologııaǵa basa nazar aýdaryldy. Munda ekomádenıet negizderi, tabıǵatqa uqypty qaraý, qatty turmystyq qaldyqtardy durys suryptaý boı̆ynsha sabaqtar men semınarlar ótedi. Bul baǵytta mektepterge О́KM operatory kómektesedi. 80-ge jýyq oqý ornyn qamtylǵan "Eko Asar" ekomarafony barysynda oqýshylarǵa qoqysty durys suryptaýdyń mańyzdylyǵy týraly nusqaý berildi. Oqýshylar qaı̆ta óńdeýge 40 myń tonnaǵa jýyq shıkizat jınady.
Ekonomıkalyq baǵytty qalanyń basqa mektepterinde de engizemiz. Memleket basshysy balalardyń ekologııalyq bilim alýyna erekshe nazar aýdarýdy tapsyrdy.
Sonymen birge balalar teorııalyq bilimdi is júzinde qoldanýy úshin mektepte baqsha bolady, balalar ósimdikter men ónimder ósire alady, kútim jasaýdy jáne ony baǵalaýdy úı̆renedi.
Eger ótken jyly 6 mektep salynyp, paı̆dalanýǵa berilse, bıyl - 12. Keı̆bir mektepter paı̆dalanýǵa berildi, qalǵandary osy jyldyń sońyna deı̆in aıaqtalady", - dep jazdy Altaı Kólginov.
