- Búgin biz QR Tuńǵysh Prezıdenti kúni merekesi qarsańynda kezdesip
otyrmyz. El basqarý qashanda ońaı bolǵan emes. Al, Táýelsizdikke qoly jańa jetken memleketti qalyptastyrý álemdik deńgeıdegi qaıratkerdiń ǵana qolynan keletinin tarıh san márte dáleldegen. Osydan 25 jyl buryn Elbasynyń bastamasymen erkin elimizdiń Konstıtýsııasyn qabyldaý halyqtyń tańdaýyna berildi jáne qazaqstandyqtar ony biraýyzdan qoldady.
Ata Zańymyzdyń arqasynda biz halqymyzdyń ál-aýqatyn arttyryp, ekonomıkamyzdy damyta aldyq, Uly Dala tórinde qýatty memleket quryp, ulttardy birlik pen tatý tirlikke uıystyra bildik, – dedi oblys ákimi.
Jıynda oblys ákimi Konstıtýsııada bekitilgen normalar búginde óziniń ómirsheńdigin, zaman talabyna laıyq ekenin jan-jaqty dáleldegenin tilge tıek etip, elimizdiń ósip-órkendeýine úles qosqan azamattarǵa Memleket basshysynyń Jarlyǵymen «Konstıtýsııanyń 25 jyldyǵy» merekelik medalimen marapattap, qurmet kórsetti.
Mereıli mereke qarsańynda qurmet tórine shyǵyp, marapat ıelengen azamattardyń qatarynda Qazaqstan Musylmandary dinı basqarmasynyń oblys boıynsha bas ımamy Bolat Abýov, oblystyq energetıka jáne turǵyn-úı kommýnaldyq sharýashylyq basqarmasynyń basshysy Rýslan Nurmaǵanbetov, oblystyq tekserý komıssııasynyń múshesi Talǵat Ilııasov, oblystyq tekserý komıssııasynyń memleketik aýdıtory Qalamqas Nurymbetova da bar. Sondaı-aq, óńirdiń rýhanı-mádenı damýyna eleýli úles qosyp júrgen oblystyq fılarmonııa ártisi Aqmaral Noǵaıbaeva, oblystyq halyq shyǵarmashylyǵyn damytý jáne mádenı-prodıýserlik qyzmet ortalyǵynyń sektor meńgerýshisi Maıra Sársenbaeva, oblystyq kásipodaqtar birlestiginiń tóraǵasy Serik Sermaǵanbetov, volonter Dınara Eshatova merekelik medalmen marapattaldy.
