Bul – shynaıy mereke. О́ıtkeni N.Nazarbaev - táýelsizdik alyp, álem elderi aldynda óziniń jeke memleket retinde mártebesin aıqyndaǵan, kórshilermen ulanǵaıyr shekarany belgilep, naryqtyq ekonomıka leginde damý jolyn tańdaǵan Qazaqstannyń alǵashqy tizginin qolyna alǵan tulǵa. Tuńǵyshtyń aty - tuńǵysh, alyp odaqtan bólinip shyqqan táýelsiz eldiń odan arǵy taǵdyryna kópshilik, ásirese keńestik júıeniń kósemderi kúdikpen qarady. Kúni erteń-aq ózdiginen el bolyp ketýdiń qıyndyǵyn sezinip, odaq qanatyny ńastyna aqıtyp oralady degen úmit pen qyzǵanyshtaryn kúıretip, «odaqtas» bolǵan ózge eldermen birge Qazaqstan da keregesin keńge jaıyp, ýyǵyn nyqtap, shańyraǵyn shalqaq ustady. Ishki jáne syrtqy saıasatta sarabdal jolyn tańdap, birneshe elderde elshilikter ashyldy, atom qarýynan bas tartyp álem elderine beıbitshiliktiń sara jolyn usyndy. Ekonomıkalyq áleýetke basa nazar aýdarylyp, Qazaqstanda birneshe baǵytta jańa temirjol jelileri men avtomobıl joldary salynyp, birneshe shet memleketterge áýe reısteri ashyldy. Sondaı-aq Aqtaý qalasyndaǵy teńiz porty jańǵyrtylyp, qarqyn-qýaty arttyryldy, zamanaýı quraldarmen jabdyqtalyp, jumys júrgizý júıesi jańa baǵytta damyp keledi.
Halyqtyń ál-aýqatyn arttyrý Prezıdent nazarynan tys qalǵan joq – zeınetkreler turaqty túrde zeınetaqylaryna qol jetkizip, stýdentter shákirtaqysyn úzbeı alyp turdy. Jastar birneshe til meńgerip, shetelderde oqýǵa múmkindik alsa, kóp balaly analarǵa da aıryqsha qamqorlyq jasaldy.
Quqyqqorǵaý salasy Elbasy N.Nazarbaevtyń qamqorlyq-qoldaýyna ıe boldy. О́ıtkeni, qoǵamdyq tártipti qamtamasyz etý – turǵyndardyń qaýipsiz ómiriniń kepili. Tártip saqshylary baspanamen qamtamasyz etilip, jalaqy máselesi kún tártibine qoıyldy.
Biz búginde qandaı ıgilikke qol jetkizip, qandaı kemel keleshekti josparlasaq, barlyǵynyń bastaýynda Elbasy Nursultan Ábishulynyń kemeńger basshylyǵy, bolashaqqa jol siltegen saıasatkerlik bastama-sheshimi tur. Búginde el aǵasy atanyp, halqynyń yqylasyna ıe bolǵan Elbasy áli de óziniń aqyl-keńesin, bilim-biligin el damýyna qosyp keledi. Keıbir kórshi memleketterde oryn alyp jatqan beı-bereketsizdikterge qarap, óz elimizdegi aýyzbirlikke, eń basty múdde retinde el tynyshtyǵyn aldyńǵy orynǵa qoıǵan azamattardyń parasatyna rıza bolasyń.
Elimiz de, Elbasy da aman bolyp, Qazaqstannyń kók týy zeńgir kókte jelbireı bersin.
Qanat JARYLǴAPOV,
Mańǵystaý oblysy QAJD basshysynyń orynbasary,
ádilet podpolkovnıgi
