Nurlan О́tepulynyń esimi aldymen munaı-gaz ónerkásibi salasynda keńinen tanyldy. Keıin salalyq mınıstrlikti, «QazMunaıGaz» kompanııaıasyn basqardy. Premer-Mınıstr laýazymyn atqaryp, eldiń órkendeýine eńbek sińirdi. Ásirese otandyq ekonomıkanyń eńse tikteýine, qýatty reformalardy iske asyrýǵa, ınvestorlarmen tabysty seriktestik qurýǵa eleýli úles qosty.
«Bizdiń ýnıversıtet belsendi stýdentterdi qoldaýǵa aıyryqsha mán berip keledi. Bıyl oqý ornynyń alǵashqy rektory Tóleýish Serikov atyndaǵy shákirtaqyǵa úsh stýdent ıe boldy. Úsh stýdent elimizdiń alǵashqy munaı mınıstri laýazymyn atqarǵan memleket jáne qoǵam qaıratkeri Ravıl Shyrdabaev atyndaǵy shákirtaqyny aldy. Al belgili munaıshy, memleket jáne qoǵam qaıratkeri, Qazaqstan Respýblıkasynyń Premer-Mınıstri jáne Munaı ónerkásibi mınıstri bolǵan Nurlan Balǵymbaev atyndaǵy stıpendııaǵa bes stýdent laıyq dep tanyldy» deıdi rektor Gúlzada Shakýlıkova.
